სექსი და ჯანმრთელობა - ბოლო კვლევების შედეგები (5 ფოტო)

სექსი ბუნებრივი ტკივილგამაყუჩებელია

ბოლო კვლევების თანახმად, ენდორფინები - სიხარულის ჰორმონი, რომელიც სექსის დროს გამოიყოფა - სწრაფად და ეფექტურად აყუჩებს ტკივილს. ასე რომ, პარტნიორთან წუწუნი - „თავი მტკივა, დღეს სექსი არ გვექნება“ - აღარ გამოგადგებათ.

სექსი აძლიერებს იმუნიტეტს

თუკი კვლევას დავუჯერებთ, მას, ვისაც კვირაში 1-2-ჯერ აქვს სექსი, 30%-ით უფრო მაღალი იმუნოგლობინი აქვს, ვიდრე მას, ვინც სექსუალურ აქტს რომელიმე სერიალის ყურებას ამჯობინებს. მაგრამ, ფრთხილად! ამავე კვლევის თანახმად, კვირაში სამჯერ ან უფრო მეტჯერ სექსუალური კავშირი იმუნოგლობინის დონის დაქვეითებას იწვევს.

სექსი ამარცხებს სტრესს

ჟურნალი „ფსიქოლოგიის ბიოლოგია“ აქვეყნებს სტატიას, რომლის მიხედვითაც, კაცები, რომლებიც რეგულარულად არიან დაკავებულები სექსით, უფრო ადვილად ამარცხებენ სტრესს, ვიდრე მათი ცოლიანი მეგობრები. უი, ცოლიანი? უნდა გვეთქვა, დასაოჯახებელი მეგობრები, თუმცა, არავინ იცის, ვინ უფრო ხშირად კავდება სექსით ამ ორი კატეგორიიდან.

სექსი იცავს გულს

ინგლისელმა მკვლევარებმა 1000 კაცი გამოიკვლიეს და მათ ერთი შეკითხვა დაუსვეს: „რამდენად ხშირად გაქვთ სექსი?“ აღმოჩნდა, რომ კაცები, რომლებმაც უპასუხეს: „კვირაში ერთხელ“, უფრო ჯანმრთელები არიან მათთან შედარებით, ვინც ამ შეკითხვას თავი ღრმა ამოსუნთქვით აარიდა.

სექსი სიცოცხლეს ახანგრძლივებს

„სექსუალური აქტივობა, კაცების ჯანმრთელობაზე დადებითად მოქმედებს“, - აცხადებს ექიმი ჯორჯ დეივი სმიტი. მისი სიტყვებით, ის კაცები, რომლებიც სექსს კვირაში თუნდაც ნახევარ საათს უთმობენ, საშუალოდ, 8 წლით მეტს ცხოვრობენ, ვიდრე სექსუალურად ნაკლებაქტიური კაცები.