ეს სვიტრი პირველად ნორვეგიაში გაჩნდა და ფილმ „მზიური ვერის სერენადის“ გამოსვლის შემდეგ საოცრად პოპულარული გახდა. მაშინ სვიტერი ომის შემდგომი მოდის ერთ-ერთ სიმბოლოდ იქცა. ევროპაში ხალხს დღესასწაულები და სიხარული სურდა და სიცოცხლით სავსე ზამთრის ნაყშები ძალიანაც წაადგათ, მაგრამ ნამდვილი მოდური დიდება ჯერ შორს იყო.
ირმებიან სვიტერებს აქტიურად უშვებდნენ ევროპასა და ამერიკაში. მან ნელ-ნელა ქალების გარდერობში შეაღწია. და ეს მოდასთან არანაირად არ ასოცირდებოდა. ორიათასიანების დასაწყისში კანადის ვანკუვერში სტუდენტები ამგვარ სვიტრებს უკვე მასხრად იგდებდნენ.
იდეა მალე კანადისა და ამერიკის სხვა ქალაქების მოსწავლეებმა და სტუდენტებმა აიტაცეს და უკვე 2006 წელს ირმებიანი სვიტერი ტრენდი გახდა, რომელზეც ფულის გაკეთება შეიძლებოდა. ადამ პოლსონმა, ბრაიან მილერმა და კევინ ვულმა პირველებმა მოიფიქრეს ინტერნეტ-მაღაზიის გახსნა, სადაც ამ უცნაურ საშობაო ტანსაცმელს ყიდდნენ. glychristmassweaterparty.com - მახინჯი სვიტერების საშობაო საღამო. ყველაზე სასაცილო კი ის იყო, რომ რაც უფრო მახინჯად ჩანდა სვიტერი, უფრო კარგად იყიდებოდა.
მოდას ნორვეგიულ ნაყშიან სვიტერებზე ჰიპსტერები აქტიურად უჭერდნენ მხარს და რაც უფრო პოპულარული ხდებოდა ეს სუბკულტურა, მით უფრო ხშირად შეხვდებოდით ზამთრის ქუჩებში ირმიან სვიტერებს პომპონიანი ქუდებით.
ცნობილი მოდური სახლები მაყურებლის როლში არ დარჩენილან: ახლა ირმიანი სვიტერები შეიძლება აღმოაჩინოთ Ralph Lauren-სთან, Marni-სთან, Topshop-თან და H&M-თან. ტრენდზე ერთ-ერთმა პირველმა რეაგირება Dolce & Gabbana-მ მოახდინა 2010/11 წლების კოლექციაში და ათიანში გაარტყა!
დღეს ირმიანი სვიტერები სამთო-სათხილამურო კურორტებთან ასოცირდება, რაც მოდელიერების წისქვილზე ასხამს წყალს. მას შეხვდებოდით Louis Vuitton, Marni, Saint Laurent და Alexander McQueen-ის კოლექციებში. მართალია გასული წლის სეზონზე მას უკვე ნაკლებათ ნახავდით, მაგრამ ის ჯერ კიდევ არავის მოყირჭებია, ვინაიდან ირმიანი სვიტერები საჩუქრებთან, თოვლთან, ბუხართან და საბავშვო დღესასწაულთან ასოცირდება.
განა ეს ყველაფერი ოდესმე გადავა მოდიდან?