მარსის კოლონიზაციის იდეა მხოლოდ SpaceX-ის ინჟინრებს არ უღვიძებს ფანტაზიებს. საქმეში უკვე მშენებლები და დიზაინერებიც არიან ჩართულები.
კლიმენტ ბალავუანის სკაფანდრი
ფრანგმა დიზაინერმა კლიმენტ ბალავუანმა თავისი სკაფანდრები SpaceX-ის მარსული მისიის შთაგონებულმა შექმნა. მარსზე ფრენას 80-დან 150-მდე დღე დასჭირდება. ამ დროის განმავლობაში ასტრონავტების კუნთები დედამიწის მიზიდულობის არარსებობის გამო მნიშვნელოვნად დასუსტდებიან. მათი სრული ატროფიის თავიდან ასაცილებლად ორბიტაზე ასტრონავტები მუდმივად ვარჯიშობენ, ხოლო დედამიწაზე მათ ექიმთა გუნდი ხვდება. მარსზე მოგზაურებს არავინ დახვდებათ და კუნთების აღსადგენად სპეციალურ პირობებს არავინ შეუქმნით. ამიტომაც ბალავუანმა თავის სკაფანდრში ელექტროდები ჩააშენა, რომელიც კოსმოსურ მოგზაურთა კუნთების სტიმულირებას მოახდენს.
მარსის ბეტონი ჩრდილო-დასავლეთის უნივერსიტეტისგან
ჩრდილო-დასავლეთის უნივერსიტეტის (აშშ) ინჟინრებმა მარსის გრუნტის ანალოგი გოგირდში აურიეს და მიიღეს მასალა, რომელიც თავისუფლად შეიძლება მარსზე შენობების ასაგებად გამოდგეს. ბეტონისგან განსხვავებით, ამ მასალას წყალი სავსებით არ სჭირდება.
კოსმოსური ჭიქა პორტლენდის უნივერსიტეტისგან
გეყოფათ ჩალის ღეროთი, ტუბებითა და პოლიმერული პაკეტებიდან სმა. პორტლენდელმა ინჟინრებმა შექმნეს ჭიქა, რომელის კოსმოსშიც კი ჩაისა და ყავის ნორმალურად დალევის საშუალებას იძლევა. სასმელი ამ ჭიქებში მისი გეომეტრიული ფორმის ხარჯზე ჩერდება და არ იღვრება. ახალ ჭიქებს - Space Cup-ს საერთაშორისო კოსმოსურ სადგურზე უკვე იყენებენ.
Clouds AO-ს და SEArch-ის ყინულის სახლი
სახლის პროექტი 4 ასტრონავტისთვის, რომელიც მარსზე ხელმისაწვდომი მასალისგან 3D-პრინტერზე შეიძლება დაიბეჭდოს. მისი შემქმნელები ნიუ-იორკის კოსმოსური არქიტექტურის ბიუროებია - SEArch და Clouds AO. მარსზე წყალი ცოტაა და ისიც მხოლოდ ყინულის სახით გვხვდება. არქიტექტორები სახლის საძირკვლის აგებას სწორედ ამ ყინულისგან გვათავაზობენ. ყინული ამ შემთხვევაში იზოლატორის ფუნქციას ასრულებს და მარსული სახლის მობინადრეებს წითელი პლანეტისთვის დამახასიათებელი ტემპერატურული ცვალებადობისგან დაიცავს.
მარსული ავეჯი Ma Yansong MAD Martian-ისგან
საგამომცემლო სახლის Ma Yansong-ის დამაარსებელმა მა იანსონმა გადაწყვიტა, რომ მარსის კოლონიზატორებს, ჭერისა და კედლების გარდა, ავეჯიც დასჭირდებოდათ. ასე შეიქმნა მარსის ავეჯის კოლექცია MAD Martian-ი.