გენიოსები, რომლებმაც საფლავში უდიდესი საიდუმლოები წაიღეს

იოჰან ბესლერი

ბესლერის თანამედროვეებს შეუძლებლად მიაჩნდათ მუდმივი ძრავის შექმნა. მაგრამ კრიტიკისა და დაცინვის მიუხედავად, იოჰანმა 1712 წლისთვის უნიკალური ხელსაწყო შექმნა - ბორბალი, რომელსაც ბრუნვა და სიმძიმეების აწევა ენერგიის გარკვეული წყაროს გარეშე შეეძლო. ზოგი მონაცემით, ბორბალი 54 დღე შეუჩერებლად ბრუნავდა. პარანოიის შეტევისას ბესლერმა არა მხოლოდ თავისი მანქანა, არამედ ყველა ნახაზი გაანადგურა. გამომგონებლის საიდუმლო და თავად ისიც საფლავმა შთანთქა.

ანტონიო სტრადივარიუსი

თუკი თქვენთვის ცნობილია ვიოლინოს ხმა, მაშინ სტრადივარიუსის სახელიც გსმენიათ. მისი ვიოლინოები იმდენად უნიკალურებია, რომ მიუხედავად დიდი ძალისხმევისა, დღეს მათი ასლების გაკეთებაც კი შეუძლებელი ჩანს. ის თავის საიდუმლოს არავის უმხელდა და ამიტომაც მას ახლა სიკვდილი იცავს.

 რომის პაპი იოანე პავლე II

რომის პაპს უფლება აქვს, კარდინალები in pectore, ანუ საიდუმლოდ დანიშნოს. იოანე პავლე II-მ თავის პაპობისას ამგვარი ხერხით ოთხი კარდინალი დანიშნა. მაგრამ დღეისთვის მხოლოდ სამი მათგანის სახელია ცნობილი. ეს კი იმას ნიშნავს, რომ კათოლიკურ ეკლესიაში არსებობს კარდინალი, რომელმაც შესაძლოა, არც იცის, რომ კარდინალია.

ბენჯამინ ფრანკლინი

აშშ-ის მამა-დამაარსებლებიდან ერთის - ბენჯამინ ფრანკლინის შესახებ ხმები დადიოდა, რომ მას ვაჟი, სახელად უილიამი, ჰყავს. ეს ხმები ჭორადვე დარჩა, ვინაიდან ფრანკლინმა სიცოცხლეში ამ ხმების ვერც უარყოფა მოასწრო და ვერც დადასტურება.

 მორის უორდი

1980-იან წლებში მორის უორდი პლასტმასების შესწავლით იყო გატაცებული. რამდენიმე სახის არატოქსიკური პლასტმასის შერევით მან შექმნა მასალა, რომელსაც უნიკალური თბური პარამეტრები ჰქონდა. მასალა სარჩილავი ლამპის ალს უძლებდა. უორდმა მასალას სტარლიტი უწოდა, მაგრამ მის ფორმულას საიდუმლოდ ინახავდა. ის 2011 წელს გარდაიცვალა და მასთან ერთად სტარლიტის ფორმულაც მოკვდა. 

 ლუდვიგ ვან ბეთჰოვენი

მისი გარდაცვალების შემდეგ დიდი კომპოზიტორის პირად წერილებში გაუგზავნელი სასიყვარულო ბარათებიც აღმოაჩინეს. მას შემდეგ უამრავი ვერსია გაჩნდა იმის შესახებ, ვინ შეიძლებოდა ყოფილიყო ბეთჰოვენის გულთამპყრობელი, მაგრამ წერილების ადრესატის ნამდვილი ვინაობა მხოლოდ კომპოზიტორმა იცოდა.

ნიკოლა ტესლა

ტესლას სურდა, მთელი პლანეტა უსადენო ელექტროენერგიით მოემარაგებინა, მაგრამ უდიდეს გენიოსს კრიტიკისა და სკეპტიციზმის უდიდესი მოცულობის გადალახვა უწევდა, რაც მის პროექტზე უარყოფითად აისახა. ის 1943 წელს გარდაიცვალა, მისი გეგმები და აღმოჩენები მასთან ერთად გაქრა.