ნიურბურგრინგის ტრასის ყველაზე ძნელ უბნად „ჩრდილოეთის მარყუჟი“ მიიჩნევა და სავსებით სამართლიანადაც.
ტყით გარშემორტყმული ტრეკის ამ ნაწილს „ფორმულა-1“-ის სამგზის ჩემპიონმა ჯეკი სტიუარტმა „მწვანე ჯოჯოხეთი“ უწოდა.
Nordschleife-ზე მკვეთრი მოსახვევების დიდი სიმრავლეა (33 მარცხენა და 40 მარჯვენა). აქ პილოტს 20 კილომეტრ მანძილზე მოძრაობის ტრაექტორიის შეცვლა 100-ჯერ და ზოგჯერ მეტჯერაც უწევს.
ამის მიუხედავად, ნიურბურგრინგზე ყველა მსურველს უშვებენ. აქ ავტოენთუზიასტებს მსოფლიოს ყველა კუთხიდან შეხვდებით. ყველას სურს, თავისი ძალები მსოფლიოში ლეგენდარულ ტრასაზე გამოცადოს.
„ჩრდილოეთის მარყუჟის“ ფანატები რეგულარულად ადგენენ თავშესაქცევი სატრანსპორტო საშუალებების ვიდეოსიას. ერთ-ერთ ამგვარ ნაკრებს ახლა გთავაზობთ. მისი მშვენება ძველი Audi 80-ის ბაზაზე აგებული შავი კატაფალკაა, რომელსაც ამშვენებს წარწერა: „ჩვენ ვმხიარულობთ გასვენებებზე“.
