მეცნიერებმა მსოფლიოს 62 ქვეყანაში ჩაატარეს კვლევა, რომლის შედეგიც საკმაოდ საინტერესო აღმოჩნდა.
თურმე ქალის პირველი „გვერდზე“ გახედვა, საშუალოდ, ქორწინებიდან 4 წლის შემდეგ იწყება.
რატომ ღალატობს ქალი? მეცნიერებმა ამ თემაზეც იფიქრეს. იმის გათვალისწინებით, რომ ქალის არასტაბილურობა და არასანდოობა ცოლ-ქმრის კავშირში თითქმის დნმ-ის დონეზეა დაყვანილი, მეცნიერებს ღალატის მიზეზების დადგენა არ გაუჭირდებოდათ. ოჯახის დანგრევას ხშირად ლოთობა, სიღარიბე და აზრთა სხვადასხვაობა იწვევს. მიზეზები სხვაც მრავლად არსებობს, თუმცა, ეს ძირითადი „თაიგულია“, რომელიც მეცნიერებმა შეისწავლეს.
აღმოჩნდა, რომ ქალის ღალატის მთავარი მიზეზი სექსუალური დაუკმაყოფილებლობაა. დიახ, დიახ, ამას მეცნიერები ამტკიცებენ. როდესაც ქალის სექსუალური მოთხოვნა იზრდება, ხოლო ერთი კაცი ვერ ახერხებს ამ გაზრდილი სექსუალური სურვილების დაკმაყოფილებას, ქალი დასახმარებლად დამატებით „ძალებს“ უხმობს.
ღალატის მიზეზი შესაძლოა, არა მხოლოდ სექსის რაოდენობა, არამედ მისი ხარისხი იყოს. თუკი ქმარი წლობით მივლინებაშია და ცოლთან ინტიმური ურთიერთობის დროს ფანტაზიას არ ავლენს, ქალი აუცილებლად „მოიწყენს“. ყველაზე რთული სიტუაციაა, როდესაც ქალს მეორედ და ნამდვილად უყვარდება. მეცნიერების მტკიცებით, ეს იმ შემთხვევაში ხდება, როდესაც ქალი თავის მეორე ნახევარს ახალ მამაკაცში პოულობს და ხვდება, რომ ძველი სიყვარული, უბრალოდ, ჩვევაა და სხვა არაფერი.
