კომპანია Armis-ის სპეციალისტებმა Bluetooth-ის რვა მოწყვლადი პროტოკოლი აღმოაჩინეს, რომელიც მსხვერპლის მობილურ მოწყობილობაზე სრული კონტროლის საშუალებას იძლევა. თანაც ეს გაჯეტზე რაიმე ფიზიკური შეხების გარეშე ხდება.
სმარტფონის გასატეხად Bluetooth უნდა იყოს ჩართული. ოპერატიული სისტემების Android, iOS და Windows Phone-ის მართვის ქვეშ რვა მილიარდამდე მოწყობილობაა. მკვლევარებმა Samsung Galaxy-ში და Google Pixel-ში, ასევე, „ჭკვიან“ საათ LG Sports Watch-ში შეღწევა შეძლეს.
ასევე, მოწყვლადი აღმოჩნდა iPhone სმარტფონი და iPad პლანშეტები, რომლებიც iOS მე-10 განახლებული არ იყო. შეტევა, სულ რაღაც, 10 წამს გრძელდება და ჰაკერებს Bluetooth-ის მეშვეობით მოწყობილობაზე სრულ კონტროლს ანიჭებს. ამ დროს შეიძლება აღმოჩენის რეჟიმი სულაც გათიშული იყოს და მოწყობილობაც არაფერზე არ იყოს მიერთებული.
ამგვარად ბოროტგანმზრახველებს ნებისმიერი ინფორმაციის კოპირება ანდა მასზე სრული კონტროლის დამყარება შეეძლებათ. კომპანიებმა Google, Apple და Microsoft-მა სპეციალური განახლება გამოუშვეს, რათა ეს ხარვეზი აღმოეფხვრათ.
მაგრამ გატეხის თავიდან აცილების ყველაზე მარტივი ხერხი სმარტფონზე Bluetooth-ის გამორთვაა.
ამასთანავე, უნდა გვახსოვდეს, რომ გასატეხად ჰაკერები თქვენი სმარტფონიდან Bluetooth-ის მოქმედების რადიუსში უნდა იმყოფებოდნენ.
