გიგანტური და ნაირფრად აჭრელებული ლაინერი არანაკლები სიდიდის ჩრდილს იძლეოდა და ზღვისკენ ვიწრო მდინარის გავლით მიდიოდა. ეს მისი პირველი მოგზაურობა იყო. მდინარის ნაპირზე ბევრი ხალხი იყრიდა თავს. ყველას სურდა, 355 მეტრი სიგრძისა და 40 მეტრი სიგანის ხომალდი ენახა.
შედარებისთვის: ცნობილი „ტიტანიკის“ სიგრძე მხოლოდ 269 მეტრი იყო, სიგანე კი - 28 მეტრი.
ლაინერმა პეპენბურგში მდებარე Meyer Werft-ის გემსაშენი დატოვა და ჩრდილოეთის ზღვაზე საზღვაო გამოცდების ჩასატარებლად გაემართა.
გზადაგზა ის ფანკლუბს იკრებდა და ცხვრებს აფრთხობდა. აი, ძროხებს კი გიგანტური ხომალდისა სულაც არ შეშინებიათ.
ნოემბერში World Dream ჰონკონგისა და გუანჩჟოუს (ნანშას) ნავსადგურებს ეწვევა, საიდანაც ვიეტნამისა და ფილიპინების მიმართულებით კრუიზებს მოაწყობს.