არსებობს ლიმუზინები, რომლებიც „ჰამერების“ ანდა „ლინკოლნების“ გადაკეთებით არის მიღებული. მაგრამ მექსიკური კომპანია Vaca Limousines უფრო შორს წავიდა და ლიმუზინი თვითმფრინავისგან შექმნა.
Vaca Limousines გვადალაჰარაში მდებარეობს და არა მხოლოდ ლიმუზინებს, არამედ ჰოთ-როდებს, არტ-კარებს და საავტომობილო ხელოვნების სხვა უცნაურ ქმნილებებს ამზადებს. ერთი სხვაობაა მხოლოდ: კომპანია თავის ყველა ნაწარმს ყიდის და მხოლოდ ლიმუზინებს იტოვებს. მათი გაქირავება სახელოსნოს საკმაოდ დიდ შემოსავალს აძლევს.
ლიმუზინი, სახელად Wingless 727, სინამდვილეში Limo Avion-ის სახელით არის ცნობილი.
მასში 40 ადამიანი ეტევა. ლიმუზინს რამდენიმე კაიუტა, საცეკვაო მოედანი, უზარმაზარი კინოეკრანი და მძლავრი აუდიოსისტემა აქვს. ლიმუზინის კორპუსი Boeing 727-100-დან „ისესხეს“.
ავტომობილს სამოძრაოდ 6-ცილინდრიანი ტურბო ძრავა აქვს.
მისი დაქირავება იაფი არ არის - 300 აშშ დოლარი საათში, მაგრამ ის ამდენი ნამდვილად ღირს! მას მხოლოდ გვადალაჰარაში არ ქირაობენ, 727-ს მექსიკის სხვა ქალაქების ქუჩებშიც ხშირად შეხვდებით.
