ზოგი ქვეყანა უკვე მზადაა, უახლოეს ათწლეულებში შიგაწვის ძრავების სრული აკრძალვა გამოაცხადოს. აქედან სავსებით გასაგებია ელექტრომობილების გაუმჯობესებისკენ მიმართული ყოველი მცდელობა.
ამ მიმართულებით მიდის, ასევე, კალიფორნიული კომპანია Proterra. მისმა ელექტროავტობუსმა Catalyst E2 Max-მა ერთი დამუხტვით 1101,2 მილი (1772 კმ) გაიარა - ეს ელექტრომობილებში ახალი რეკორდია.
რაც ყველაზე უფრო საინტერესოა, ელექტრობუსი წინა რეკორდსმენზე - გერმანულ ერთადგილიან მსუბუქ ავტომობილ Schluckspecht E-ზე 46-ჯერ უფრო მძიმეა. წინა რეკორდი - ერთი დამუხტვით 1 013,76 მილს (1 631,5 კმ) შეადგენდა. რა თქმა უნდა, Catalyst E2 Max-ს გერმანული ელექტრომობილის აეროდინამიკაც არ გააჩნდა.
ელექტრობუსი 660 კილოვატ/საათი ტევადობის ბატარეით იკვებება.
შედარებისთვის, ავტომობილ Tesla Model S P100D-ს 100 კილოვატ/საათიანი ბატარეით 315 მილის (507 კილომეტრის) გავლა შეუძლია.
Hyundai-ის მიერ დაანონსებულ Elec City bus-ს - სულ 180 მილის (290 კმ), მაგრამ დამუხტვას 1 საათს უნდება.