მგზავრები, რომლებსაც აფრენისას ანდა დაფრენისას სძინავთ, ყურისთვის დიდი ზიანის მიყენების საფრთხის წინაშე დგანან.
ალბათ, ყველამ იცით, რომ სიმაღლის ცვლილებისას ბევრ ადამიანს „ყურები უგუბდება“. ეს იმითაა გამოწვეული, რომ ყურის შიგნით და გარეთ წნევა ერთმანეთს არ ემთხვევა. როგორც წესი, ამ ეფექტისთვის თავის დასაღწევად საკმარისია დავამთქნაროთ, ანდა ნერწყვი გადავყლაპოთ. ამით ყურში უწვრილესი არხი - ევსტაქის არხი გაიხსნება.
მაგრამ თუკი მგზავრს თვითმფრინავში სძინავს, მაშინ ის ვერ ახერხებს ყურში წნევის ამგვარი ხერხით გაწონასწორებას. შედეგად ყურის არხი დაკეტილია და სმენით ბაროტრავმას ვიღებთ.
ექიმების განმარტებით, როცა ევსტაქის არხი დიდი ხნითაა ბლოკირებული, მაშინ შესაძლოა, ანთება განვითარდეს, რომელსაც სითხის წარმოქმნა და შესაბამისად ყურის პრობლემები და ტკივილი მოჰყვება.
როგორც მკვლევარები გვიმტკიცებენ, დაავადების რისკის შემცირება შეიძლება, თუკი სიმაღლის ცვლილებისას ძილს არ მივეცემით.
