აირჩიეთ ყელსაბამი და გაიგეთ, როგორი ქალი ხართ!

ყელსაბამი #1
თქვენ ძალიან ქალური ხართ, გიყვართ მაკიაჟი, ლამაზად ჩაცმა და ვარცხნილობის გაკეთება. ბიუჯეტიდან ფულს, პირველ რიგში, ახალი კოსმეტიკის შესაძენად გამოყოფთ და უკვე შემდეგ სხვა დანარჩენისთვის. ასევე, თქვენთვის დიდი მნიშვნელობა აქვს ოჯახს, მაგრამ ქმარს უფრო მეტ ყურადღებას უთმობთ, ვიდრე ბავშვებს.

ჩვენი რჩევა: საკუთარ თავში ამ ძვირფას ხასიათს გაუფრთხილდით! ეცადეთ, არ იყოთ პასიური და ნუ იზარმაცებთ, მაგრამ იმავდროულად ეცადეთ, მშვიდი და გრაციოზული იყოთ.

ყელსაბამი #2
თქვენში თანაბრად თავსდება ემოციები და ბრწყინვალე ინტელექტი. თქვენ ამართლებთ გამოთქმას „ადამიანში ყველაზე სექსუალური მისი სულია". თქვენი სიცოცხლის ყოველ წამს თავისი ფასი აქვს და დროს უფრო ემოციურად განიცდით, ვიდრე სხვა ადამიანი. თქვენ სიძნელეებთან გამკლავებაც შეგიძლიათ. ამასთანავე, ძალიან ორიგინალური აზროვნება გაქვთ. საკუთარი პრინციპების დაცვაც გეხერხებათ.

ჩვენი რჩევა: გამოიყენეთ თქვენი შესაძლებლობები როგორც საკუთარი, ისე ზოგადად ადამიანთა კეთილდღეობისთვის. არასდროს დაუშვათ პესიმიზმი. თქვენი შინაგანი ბუნება ხომ სრულყოფილებას აღწევს.

ყელსაბამი #3
თქვენ ლაკონიურობასა და მინიმალიზმს ირჩევთ - როგორც ტანსაცმლის სტილში, ისე ცხოვრების წესშიც. სიცოცხლის მოყვარული და აქტიური ხართ, მუდმივ მოძრაობაში იმყოფებით. სწორედ ამიტომ, ასაკის მატების მიუხედავად, მუდამ ახალგაზრდად დარჩებით.

ჩვენი რჩევა: დაიჭირეთ ბალანსი ზედმეტ აქტიურობასა და თვითშემეცნებას შორის.

ყელსაბამი #4
თქვენ ნამდვილი ფერია ხართ! ხელსაქმე გიყვართ. ნაჭრის უბრალო ნაკუწებიდან ბავშვისთვის შესანიშნავი კოსტიუმის შექმნა შეგიძლიათ. აბსოლუტურად ყველაფრისადმი შემოქმედებითი მიდგომა გაქვთ. ოჯახის მამაკაცი გვერდით სწორედ თქვენნაირ ქალს ნატრულობს.

ჩვენი რჩევა: თქვენ პირადი სივრცე გესაჭიროებათ, ვინაიდან შთაგონება სიჩუმეში იბადება. თქვენი ცხოვრებიდან ზედმეტი ადამიანები და ზედმეტი საქმეები გამოდევნეთ და დრო საკუთარ თავს დაუთმეთ.

ყელსაბამი #5
თქვენ ფოლადის ხასიათი და რკინის ნერვები გაქვთ. საკუთარ თავში მმართველობის დაუოკებელ წყურვილსა და მოქმედების საზღვრების გაფართოების სურვილს გრძნობთ. ძალიან მახვილი გონება, ელვისებური რეაქცია და საქმიანი მიდგომა გაქვთ. ადამიანების მიმართ მომთხოვნი ხართ და არცთუ ტყუილად, თქვენ ხომ ცხოვრებისეული გამოცდილებით ხელმძღვანელობთ.

ჩვენი რჩევა: არ იმუშაოთ "გაცვეთამდე", დროდადრო შეისვენეთ. შესვენებისას კი საკუთარი აზრები წესრიგში მოიყვანეთ და ისწავლეთ ჰარმონიის მიღწევა.

ყელსაბამი #6
თქვენ ნამდვილი დღესასწაული ხართ! თქვენი სული მუდმივ მხიარულებას, ფუფუნებასა და ბრწყინვალებას ითხოვს. თქვენი სამოსი ექსტრავაგანტურია, ხოლო სამკაული - ბრწყინვალე. დაუფიქრებლად აფრქვევთ ემოციებს და ეს გამშვიდებთ. კარიერა თქვენთვის პირველ ადგილზე არ არის, მაგრამ სამსახურში არც აუტსაიდერობას ეგუებით.

ჩვენი რჩევა: ეცადეთ, ემოციები შეიკავოთ, თორემ შეიძლება, საყვარელ ადამიანს აწყენინოთ. თუკი შეცდომას დაუშვებთ, ბოდიშის მოხდა არ დაგეზაროთ, ვინაიდან ეს თვისება მხოლოდ დედოფლებს ახასიათებთ.