როგორ გამოვიყენოთ?
ფიჭა - ეს არის სპეციალურად მომზადებული ცვილის ფირფიტა, რომელიც სკის ჩარჩოში გაბმულ მავთულებზე ეკვრება. ფუტკრები მას საკვების (თაფლი და ჭეო) შესანახად და შთამომავლობის გამოსაყვანად იყენებენ;
სამკურნალო მიზნით თაფლიან ფიჭას ღეჭავენ, როგორც ჩვეულებრივ კევს, სანამ თაფლი არ გამოიწურება და ფიჭა გემოს არ დაკარგავს. ნარჩენს, როგორც წესი, აფურთხებენ.
შეიძლება თუ არა დაღეჭვის შემდეგ ფიჭის გადაყლაპვა?
ღეჭვის შემდეგ ფუტკრის ფიჭის გადაყლაპვა არა მხოლოდ შეიძლება, არამედ აუცილებელიც კია. ის კუჭ-ნაწლავის ტრაქტის მუშაობას აუმჯობესებს. მოაგროვებს არასასურველ ნივთიერებებს და ნაწლავების გასუფთავებას შეუწყობს ხელს.
რა დოზით უნდა მივიღოთ?
მოზრდილი ადამიანისთვის სწორი სადღეღამისო ულუფა - არა უმეტეს ოთხი ჩაის კოვზია. ფუტკრის ეს პროდუქტი ჯობია ჭამის შემდეგ გამოიყენოთ, რათა მადა არ დაკარგოთ.
აქვს თუ არა გვერდითი მოვლენები?
ფუტკრის ფიჭას გვერდითი მოვლენები თითქმის არ აქვს. ის აბსოლუტურად უსაფრთხოა, თუმცა არსებობს ძალიან იშვიათი გამონაკლისები. ასევე, საშიში არაა ამ პროდუქტის ზედმეტი ულუფის მიღებაც. ის მხოლოდ იმ ადამიანებისთვის არაა რეკომენდებული, ვისაც ფიჭის ინდივიდუალური აუტანლობა ან მისი ზოგიერთი კომპონენტის მიმართ ალერგია აქვს.
სად და როგორ შევინახოთ?
ფუტკრის ფიჭას ინახავენ დახურულ მინის ჭურჭელში ოთახის ტემპერატურაზე. ამგვარად ის სასარგებლო თვისებებს დიდხანს ინარჩუნებს. ბევრი მეფუტკრე გვირჩევს, რომ ქილაში ჩადებულ ფიჭას თავზე კარგი და ხარისხიანი თაფლი მოვასხათ, რათა სიცარიელე არ დარჩეს.
ვარგისიანობის ვადა
სწორად შენახვისას ფიჭის ვარგისიანობა ორი წელია. თუმცა ჩვენი რჩევაა, ეს უნიკალური პროდუქტი კი არ შეინახოთ, აუცილებლად მიირთვათ.