აღმოჩენილი ძვლების ნაკრები საკმაოდ გრძელია, დაახლოებით 18,5 მეტრი და ძროხის ქალას მსგავსი თავის ქალათი მთავრდება. თავის ქალას დრაკონისთვის დამახასიათებელი რქები აქვს.
ჩონჩხი კლასიკურ ჩინურ დრაკონს მოგვაგონებს: რქიანი, უფრთო დიდი გველი, წვერიანი დრუნჩით. ძვლებზე ქსოვილი აღარაა შემორჩენილი, ასე რომ წვერის არსებობის დადასტურება შეუძლებელი იყო.
არსებობს ამ ჩონჩხის ფოტო-ვიდეოკადრები, რომელთა მეშვეობით დასტურდება, რომ სოფლის მოსახლეობას ის არ მოსჩვენებია.
ექსპერტებმა კადრების შესწავლის შემდეგ დაადგინეს, რომ ჩონჩხის ნაკრები, სავარაუდოდ, რაიმე ფილმის გადასაღებად დასჭირდათ.
ნებისმიერ შემთხვევაში, „დრაკონის ლეგენდა" ინტერნეტს ვირუსულად მოედო.