ყავის დალევის შემდეგ მაკაკას ვეტერინარების დახმარება დასჭირდა

საკნატუნო ამბები

13 ნოემბერი 17:00
191

ბევრი ვიწყებთ დილას ფინჯანი ყავით და ეს ჯადოსნური სასმელი ჩვენთვის სიმხნევის გარანტიაა, მაგრამ ტაილანდში ერთმა მაკაკამ ეს სასწაულმოქმედი სასმელი დალია და 10 საათით კომაში ჩავარდა.

როგორც გაარკვიეს, მაკაკამ ერთი ფინჯანი ყავა ბანგკოკში ერთ-ერთ ტურისტს ისე სწრაფად აწაპნა და დალია, რომ მისთვის ხელის შეშლაც კი ვერ მოასწრეს.
ცხოველს კოფეინის ზედოზირება დაემართა, ამიტომაც მისი გადარჩენა ექიმებს მოუწიათ.
მაკაკა უახლოეს ვეტერინარულ კლინიკაში გადაიყვანეს, წამალი გაუკეთეს და დაელოდნენ, სანამ აზრზე არ მოვიდა, და შემდეგ ბუნებაში გაუშვეს.


ამ შემთხვევის შემდეგ მაკაკების გუნდს ზედამხედველი დაუნიშნეს, ტურისტებს კი რეკომენდაცია მისცეს, ყავიანი ჭიქები მაგრად დაიჭირონ ხელში, რათა კოფეინით ზედოზირების ფაქტები აღარ განმეორდეს.

წყარო: dailymail.co.uk