iPhone X-ის ეკრანის კიდევ ერთი დეფექტი

საკნატუნო ამბები

14 ნოემბერი 19:00
692

სმარტფონის მოხმარებიდან რამდენიმე დღეში მისმა მფლობელებმა ეკრანზე მწვანე ზოლი შეამჩნიეს, რომელიც ვერტიკალურად ჩნდება. პრობლემა რომელიმე რეგიონულ მოდელს არ ეხება - ეს შენიშნეს აშშ-ში, კანადაში, პოლონეთში, ავსტრალიასა და სხვა ქვეყნებში.

სმარტფონის მფლობელები აღნიშნავენ, რომ ეს ზოლი სმარტფონის გადატვირთვის შემდეგაც კი არ ქრება. 


Apple ჯერჯერობით მომხდარის გამო კომენტარს არ აკეთებს, თუმცა როგორც დაზიანებული სმარტფონების მფლობელები ჰყვებიან, მათ iPhone X-ები სერვისცენტრებში გარანტიით უპრობლემოდ გამოუცვალეს. ჯერჯერობით უცნობია, რა შეიძლება იწვევდეს მსგავს პრობლემას.


მანამდე iPhone X-ის სხვა პრობლემების შესახებ გახდა ცნობილი. კერძოდ Apple მომხმარებლებს აფრთხილებდა, რომ iPhone X-ის დისპლეიზე შესაძლოა, ზოგიერთი გამოსახულება კონტურის სახით დარჩენილიყო. ამას გარდა, როგორც აღმოჩნდა, სიცივისას Apple-ს ფლაგმანი შეხების მიმართ გრძნობას კარგავს. თუმცა ამ უკანასკნელი დეფექტის აღმოფხვრას კომპანია მომხმარებელს შემდგომი პროგრამული უზრუნველყოფის განახლებისას ჰპირდება.

წყარო: macrumors.com