ეს XVI საუკუნის ეკლესია მილანის ცენტრში მდებარეობს. აქ ინსტალაცია, სახელად „უსახელოდ (მონაკვეთი დიალოგისთვის)“, ამერიკელმა მხატვარმა ასად რაზამ შექმნა.
უძველეს დარბაზში ხელოვნური საფარი დააგეს, გააბეს ბადეები, ჟასმინის ჩაით სავსე ჭურჭელიც ჩაამწკრივეს და ჰაერში ინდური სანელებლების სურნელიც გაუშვეს.
პროექტში მონაწილეობისთვის ახალგაზრდა მწვრთნელები მოიწვიეს, რომლებიც თამაშის გაკვეთილს ყველა მსურველს ჩაუტარებენ.
არტობიექტი ამჟამად უმოქმედო წმინდა პავლეს ეკლესიაში მოეწყო, რომელიც საგამოფენო სივრცედ გამოიყენება.
აღორძინების ეპოქის იტალიელი მხატვრების ჯულიო და ანტონიო კამპის ფრესკები მოციქულის ცხოვრებას ასახავს. შენობამ სტატუსი 1808 წელს ნაპოლეონის გადაწყვეტილებით დაკარგა.
1932 წლამდე აქაურობას საწყობად იყენებდნენ, შემდეგ საკონცერტო დარბაზად გადააკეთეს. 1960-80-იან წლებში აქ ხმის ჩამწერი სტუდიაც მუშაობდა.
ინსტალაციის აზრი, ისევე როგორც ნებისმიერი ნამდვილი ხელოვნებისა, მრავალფეროვანია. ოფიციალური განმარტება კი ასეთია: „პროექტი, თვითმყოფადი გარემოს შექმნით, სივრცის სუბიექტის კვლევას ემსახურება. ის ადამიანის სოციალურ პრაქტიკას ობიექტებთან აერთიანებს“.
თუ გაიგეთ, იქნებ ჩვენც აგვიხსნათ?
