მაინც რა ნიუანსებია ამ საინტერესო ტექნიკაში?
ის ფლორენციელმა პროფესორმა რობერტო ბანკინიმ შეიმუშავა - მომავალი ნახატის კონტურები ნახშირით იხატება, ხოლო შემდეგ თეთრი და წითელი ღვინის სხვადასხვა პროპორციას იყენებენ.
რაღა თქმა უნდა, ამ მასალის ჭკუაზე მოყვანა ადვილი არ არის. ფერთა პალიტრა შეზღუდულია. ამას გარდა, ღვინის თვისებები იცვლება, რაც ფერმწერს ძლიერ უშლის ხელს. და კიდევ, ქაღალდისა და ქსოვილის იდეალური ფაქტურაა შესარჩევი.
როგორც მხატვარი აღნიშნავს, ვარჯიში ეხმარება უმცირესი ნიუანსების შემჩნევასა და მართვაში.
დროთა განმავლობაში ნახატები უფრო და უფრო საინტერესო ხდება. რატომ? ღვინო ძველდება და ახალ ტონალობას იძენს, რაც ქაღალდზე აისახება. რაღაც ცვლილებები მხატვარმა შესაძლოა, წინასწარ გამოიცნოს, რაღაც - ვერა. ამიტომ ყოველი ნახატი უნიკალურია. იმისთვის, რომ ნახატი არ გახუნდეს, წყლისა და ფქვილის სპეციალურ ნარევს იყენებენ.
ელიზაბეტ როგაი, ექსპერიმენტის მიზნით, ტილოსა და სხვა ქსოვილებს იყენებს - ეს შეიძლება იყოს ბამბა, სელი და ჯინსიც კი.
ნახეთ, რამდენი ელფერი შეიძლება ჰქონდეს ღვინოს!
