შესაძლებელია თუ არა, ასეთი რამ საჭირო გახდეს, მაგალითად - თუნდაც, კრიმინალისტიკაში, როცა სპეცსამსახურებს სასწრაფოდ ესაჭიროებათ გარდაცვლილი ტერორისტის სმარტფონზე წვდომა, რათა მისი შესაძლო თანამზრახველების შესახებ ინფორმაცია მოიძიონ.
ყველას ემახსოვრება სან-ანტონიოს მსროლელის ამბავი. მაშინ კომპანია Apple-მა გამოძიების ფედერალურ ბიუროს მკვლელის iPhone-ის განბლოკვაზე უარი განუცხადა. კრიმინალისტებმა სმარტფონის განბლოკვა კომპანიის დახმარების გარეშეც შეძლეს და, რაც მთავარია, გამოყენებული მეთოდი საიდუმლოდ შეინახეს.
ფილმებში ამ მიზნით ხშირად იყენებენ გარდაცვლილის თითს.
ვითომ, კრიმინალისტებმაც ეს მეთოდი გამოიყენეს? ნაკლებად სავარაუდოა.
ენილ კუმარ ჯეინი, მიჩიგანის უნივერსიტეტის (აშშ) კომპიუტერული მეცნიერებებისა და ინჟინერინგის ფაკულტეტის პროფესორი თავის წიგნში Handbook of Fingerprint Recognition ამტკიცებს, რომ ადამიანის მკვდარი სხეულის გამოყენება ბიომეტრიული ავთენტიფიკაციისთვის შეუძლებელია.
საქმე ის არის, რომ სმარტფონში თითების ანაბეჭდების ბიომეტრიული სკანერის ტევადური სენსორი კანში ელექტრულ დენს აფიქსირებს - თუკი ის არ არსებობს, მაშინ სმარტფონი ანაბეჭდს ვერ აფიქსირებს და განბლოკვაც არ ხდება. შესაბამისად, ნებისმიერი მასალის ხელოვნური თითები, იქნება ეს სილიკონი, რეზინი ანდა პლასტიკი, ამ საქმეში გამოუსადეგარია. ასევე, გარდაცვლილის სახის ჩვენებით iPhone X-ის განბლოკვაც არ მოხდება - სკანერი ადამიანის თვალების მოძრაობას აკვირდება. თუ ისინი უძრავია, მაშინ სახის მიხედვით განბლოკვა შეუძლებელია.