Bentley Bentayga თავისი დიდი ფასის გამო ნადირობისთვის მთლად მისაღები ავტომობილი არ არის. ამის მიუხედავად, ატელიემ Mulliner-მა აქსესუარების კომპლექტი Field Sports შექმნა, რომელშიც ყველაფერია ნადირობისთვის.
ამ აქსესუარების შესაქმნელად ბრიტანელებმა ექსკლუზიური თოფების მწარმოებელ James Purdey & Sons-ს მიმართეს. იარაღის ოსტატებმა მართლაც შესანიშნავი სანადირო თოფები შექმნეს, ხოლო Mulliner-ის სპეციალისტებმა მათთვის სპეციალური ორგანაიზერი გააკეთეს, რომელსაც ყველგანმავლის მთელი საბარგული უჭირავს. ვეებერთელა ალუმინის კოფრში რამდენიმე განყოფილებაა, რომელშიც ყველა საჭირო აქსესუარის შენახვა შეიძლება - ვაზნების, აფთიაქის, დანის და სხვ.
ამას გარდა, აქვეა მოთავსებული სიგარები, ვისკიანი მათარა ჭიქებით, წყვილი შამპანურის ბოთლი თავისი ფუჟერებით. უკანა სავარძლებს შორის სპეციალური ტყავის შალითებია ორი თოფის, ჟილეტის, წყალგაუმტარი ლაბადის, გეტრების, პალტოს, ფეხსაცმლის და საძილე ტომრისთვის. რა იცით, შეიძლება ვიღაცას თავის "ბენტლიში" ღამის გათევა მოუნდეს.
კიდევ წაიკითხეთ: ბენტლის საიდუმლო დებიუტი დუბაიში (ვიდეო)