სისტემა Brainbox-ის პროცესორისგან, კამერებისგან, საჭისა და სატერფულების ამძრავებისგან შედგება. კამერა უკანა ხედვის სარკის ქვეშ არის მოთავსებული, რათა გადაიღოს გზა და მონაცემები პროცესორს გაუგზავნოს. პროცესორი ამუშავებს ვიდეოს, ამოიცნობს ობიექტებს ავტომობილის გარშემო და მართავს სამუხრუჭე სისტემას, ატრიალებს საჭეს და არეგულირებს სიჩქარეს.
მართვის ორი სისტემიდან ერთ-ერთი Tesla-სა და სხვა მარკის უპილოტო ავტომობილების მართვის სისტემების მსგავსია. ის ამოიცნობს საგზაო ნიშნებს და შუქნიშნებს, ქვეითად მოსიარულეებს და სატრანსპორტო საშუალებებს და საგზაო ვითარების შესახებ მონაცემების მიხედვით იღებს გადაწყვეტილებებს. მეორე სისტემა კი ადამიანს მართვას ასწავლის.
სისტემა LaneCruise-ის ტესტირებას ადამიანი-მგზავრებით კანადელები 2019 წლის გაზაფხულზე დაიწყებენ. სისტემის ღირებულება 1,5-დან 2 ათას დოლარამდე იქნება. შედარებისთვის Tesla Model 3, სულ ცოტა, 60 ათასი დოლარი ღირს.
