კომპანია Youbionic-ის წარმომადგენელი ფედერიკო ჩიცარეზემ რობოხელი წარმოადგინა, რომელიც რეალურად გვანახვებს, როგორია, როცა ერთდროულად ოთხი ხელი გაქვს.
ერთი ხელთათმანი 2000 დოლარი ღირს. ასე რომ, ოთხი ხელის მსურველს 4000-ის გადახდა მოუწევს. რობოხელები სამგანზომილებიანი ბეჭდვის მეთოდით პლასტიკისგან არის დამზადებული. ის ლითონისაზე გაცილებით მსუბუქია, მაგრამ სიმტკიცით ძვალსა და ტყავთან მაინც ვერ მოვა, ამიტომაც ოთხი ხელით კრივი ნაადრევია.
ამას გარდა, რობოხელის ფუნქციონირება ერთგვარად შეზღუდულია. საქმე ის არის, რომ ყოველი ხელოვნური ხელი თქვენი ორი თითით იმართება, რის გამოც მოტორიკა შეზღუდულია. ასე რომ, კრივის არ იყოს, ოთხ ხელში როიალის დაკვრაც უნდა დაივიწყოთ. სამაგიეროდ, სუფრაზე თავისუფლად შეძლებთ ოთხი ჭიქიდან სმას. მოკლედ, შინაარსით რობოხელი საინტერესო სათამაშოს უფრო ჰგავს. თუმცა ტექნოლოგიები მუდმივად ვითარდება და არავინ იცის, რა გველის რამდენიმე წლის შემდეგ.