1 - გახსნილობა
თქვენ მთელი სამყაროსთვის გახსნილი ადამიანი ბრძანდებით. შეგიძლიათ, ადამიანებს უანგაროდ დაეხმაროთ. ნდობა, სიკეთე, გულისხმიერება და გულმოწყალება - ეს ყველაფერი თქვენზეა. იმავდროულად ძალიან დამოუკიდებელი და პასუხისმგებლიანი ბრძანდებით. მიგაჩნიათ, რომ საკუთარი პრობლემები მხოლოდ თქვენ უნდა გადაწყვიტოთ. მიუხედავად გახსნილი თვისებებისა, არ ჩქარობთ საკუთარი შიშებისა და გაუბედაობის ჩვენებას.
2 - შეგნება
ცდილობთ, სხვებზე უკეთესი იყოთ. თქვენთვის მთავარია, რა შთაბეჭდილებას ახდენთ ახლობელ წრეზე, ამიტომაც ცდილობთ, ყველაფერი სწორად გააკეთოთ. ბევრ უკმაყოფილებას საკუთარ თავში ინახავთ, რათა სუსტი ადამიანის შთაბეჭდილება არ დატოვოთ.
3 - მაძიებელი
ხშირად წარსული გმართავთ. წარსულის გამოძახილი ყველგანაა და თქვენს მოქმედებებსა და გადაწყვეტილებებზე ზეგავლენას ახდენს. წარსულში ბევრი განსაცდელი გაქვთ გადატანილი და ახლა ყველაფრის თავიდან დაწყება და საკუთარი ადგილის მოძებნა გსურთ.
4 - ფილოსოფია
ფიქრი გიყვართ. გიჭირთ სწრაფად გადაწყვეტილების მიღება. ძალიან ხშირად საკუთარ ფიქრებსა და ოცნებებში იძირებით. აი, რეალობაში დაბრუნება კი გირთულდებათ. მიუხედავად გარეგნული სიმტკიცის, თავდაჯერებულობისა და ბევრი ფიქრისა, ცხოვრება მაინც გამოცანად მიგაჩნიათ.
5 - იდუმალება
ხასიათი ხშირად გეცვლებათ. თავად ვერ იგებთ საკუთარ სურვილებს. ცხოვრებაში საკუთარი ადგილის ძებნისას ხშირად თქვენსავე მიზნებში იხლართებით. დაწყებულის მიტოვება და ახლის დაწყება გჩვევიათ. წინააღმდეგობების განსახიერება ბრძანდებით.
6 - მგრძნობიარობა
სამყაროში მიმდინარე ყველა მოვლენას განიცდით. დეტალებს დიდ მნიშვნელობას ანიჭებთ და თანაც კარგი მეხსიერება გაქვთ. თქვენი განსაკუთრებული ნიშანი მოვლენათა წინასწარი განჭვრეტაა. თქვენი გაცინება ადვილია. ასევე, ადვილია გაბრაზებაც. თქვენთან ურთიერთობა საინტერესოა, ვინაიდან ძალიან გულისხმიერი, მახვილგონიერი და ინტელექტუალი ბრძანდებით
7 - ცეცხლი
ძალიან ვნებიანი ბუნება გაქვთ. ხშირად უკიდურესობაში ვარდებით - ან გიყვართ, ანდა გძულთ - მესამე არ არსებობს. თქვენგან ენერგია გადმოჩქეფს. რაიმე ახლით თქვენი ანთება ძალიან ადვილია. თქვენი შემართება და სიჯიუტე გეხმარებათ სწრაფი და სწორი გადაწყვეტილებების მიღებაში.
8 - ექსცენტრიკულობა
თქვენნაირებზე ამბობენ - "უცნაური ადამიანია". უჩვეულო შეხედულებები გაქვთ. არასდროს ემხრობით უმრავლესობას და არ ფიქრობთ ისე, როგორც უმრავლესობა ფიქრობს. თქვენთვის არ არსებობს წესი, კანონი და შეზღუდვა. თქვენთვის სულ ერთია, თუ რას ფიქრობენ თქვენზე სხვები. ჩუმად დასცინით მათ და გიხარიათ, რომ თქვენ თქვენ ხართ.
9 - ინტუიცია
ადამიანზე მისი გარეგნობის მიხედვით ბევრის მოყოლა შეგიძლიათ. თუმცა არ ცდილობთ, გაამჟღავნოთ, რამდენად ბევრი იცით. თქვენ საზოგადოებას აჩვენებთ მხოლოდ იმას, რაც თქვენ გსურთ. თქვენით მანიპულირება ძნელია, ვერც ტყუილის თქმას გიბედავენ. თქვენ ხომ ყოველთვის ხედავთ, სადაა ჭეშმარიტება.
