გადამეტებული და ხანგრძლივი ძილი გულის პრობლემებს იწვევს, - ამის შესახებ ჯანსაღი ძილის ექსპერტი, ამერიკელი მეცნიერი მარი-პიერ სანტ-ონჟი გვაფრთხილებს, რომელიც ავტორია ერთ-ერთი მასშტაბური კვლევისა ძილისა და ჯანმრთელობის ურთიერთკავშირის თემაზე. კვლევა Journal of Clinical Sleep Medicine-ში დაიბეჭდა.
მარი-პიერის კვლევის შედეგად დადგინდა, რომ ადამიანები, რომელთაც დასვენების დღეებში ნორმაზე თუნდაც 2 საათით მეტი სძინავთ, რათა დაძაბული სამუშაო კვირის კომპენსირება მოახდინონ, ხშირად უჩივიან ჯანმრთელობას.
ექსპერტების თქმით, დასვენების დღეებში ძილი ადამიანს უძილობის პრობლემას ვერ მოუხსნის, რადგან, უმეტეს შემთხვევაში იცვლება დღის რეჟიმი, ამიტომ გამოუძინებლობა ქრონიკულ ფორმას იღებს.
სპეციალისტები გვირჩევენ, ძილს ყოველდღე ერთი და იგივე დრო დავუთმოთ. ასე რომ, დასვენების დღეებში ძილის რეჟიმი არ უნდა განსხვავდებოდეს ყოველდღიურობისგან. ექსპერტების თქმით, სამუშაო დღეებში მოზრდილ ადამიანს, მინიმუმ, 7 საათი უნდა ეძინოს.
„დასვენების დღეებში გამოძინებით ჯანრმთელობას ვერ უშველით. უმჯობესია, ყოველდღიურად 7 საათი გეძინოთ, დასაძინებლად დროულად დაწვეთ“, - განმარტავს ექსპერტი.
მისივე თქმით, ძილის დეფიციტი კორტიზოლის (სტრესის ჰორმონი) დონეზე მოქმედებს, რის გამოც შესაძლოა დაირღვეს ნივთიერებათა ცვლა, წარმოიქმნას ჭარბი წონის პრობლემები, წნევის მატება, გულ-სისხლძარღვთა დაავადებები და ა.შ.