ფილმი „ვარსკვლავური ომები: უკანასკნელი ჯედაი“ ეკრანებზე ორ კვირაში გამოვა. პრაქტიკულად პრემიერის წინ კომპანია OnePlus-მა OnePlus 5T Star Wars Limited Edition-ის შეზღუდული ვერსია გამოუშვა.
ის ინდოეთში 14 დეკემბრიდან გაიყიდება - ქვეყანაში კინოსაგას პრემიერამდე ერთი დღით ადრე.
სმარტფონი „ვარსკვლავური ომების“ წითელი ლოგოტიპითაა დამშვენებული. თავად კორპუსი კი თეთრი ფერისაა. მოწყობილობა ახალი ფილმის სტილში გადაწყვეტილ სპეციალურ გაფორმებასაც მიიღებს.
ჯერ არ არის ცნობილი, ახალი სმარტფონი, ინდოეთის გარდა, სხვა ქვეყნებშიც თუ გაიყიდება.
