80-იანების ულამაზესი მსახიობი ქალები

1. კერი ოტისი 

16 წლის კერიმ მუშაობა მოდელად დაიწყო. შემდეგ ფილმებშიც გადაიღეს. მსახიობმა სახელი ფილმ „ველურ ორქიდეაში“ ემილის როლის შესრულებით გაითქვა. მისი პერსონაჟი შინაგანაც და გარეგნულადაც ძალიან ლამაზი იყო და ფილმის მთავარი გმირის ჯეიმსის (მიკი რურკი) გულიც მოინადირა. თავიდან მიკი რურკი მას სერიოზულად არც აღიქვამდა, მაგრამ შემდგომ მიხვდა, რომ კერი სხვა გოგონებს არ ჰგავდა. 1992 წელს ისინი დაქორწინდნენ, თუმცა ქორწინება ხანმოკლე და უიღბლო აღმოჩნდა. ახლა კერი ცდილობს, საზოგადოებაში ნაკლებად გამოჩნდეს.

2. მეგ რაიანი 

რეჟისორებმა მეგ რაიანში ახალგაზრდა ამერიკელი ქალის ახალი ტიპაჟი დაინახეს - ერთდროულად ენერგიული და მგრძნობიარე, ძლიერი და მიამიტი. ორიათასიანი წლების დასაწყისში მსახიობმა პლასტიკური ოპერაცია გაიკეთა, თუმცა - ცუდი შედეგით. ახლა მასში ძნელია ძველი ლამაზმანის ამოცნობა, ფიგურა კი ისევ ისეთი მშვენიერი აქვს.

3. ბრუკ შილდსი

ლამაზი სქელი თმები, ფართო წარბები და უძირო ნაცრისფერი თვალები...  მოდელის კარიერა ბრუკ შილდსმა 70-იან წლებში დაიწყო, როცა ჯერ კიდევ ბავშვი იყო. შემდეგ ეკრანზეც გამოჩნდა ფილმ „ცისფერ ლაგუნაში“ ემილიას როლში. ამ როლის შემდეგ ბრუკ შილდსი ამერიკის ახალ სექს-სიმბოლოდ და 80-იანი წლების სახედ იქცა.

4. კიმ ბესინგერი 

როცა 80-იანი წლების ლამაზმანებს ვიხსენებთ, კიმ ბესინგერისათვის გვერდის ავლა შეუძლებელი იქნება. სწორედ მაშინ გამოვიდა ფილმი „ცხრა ნახევარი კვირა“.  მისი პერსონაჟების მიმართ ვერავინ დარჩებოდა გულგრილი. კიმ ბესინგერმა წლების შემდეგაც არ დაკარგა მომხიბვლელობა, მაგრამ ქირუგის დანის ქვეშ მაინც დაწვა. ბევრი თაყვანისმცემლის აზრით, კოსმეტიკური ოპერაცია წარმატებული არ გამოდგა.

5. იზაბელა როსელინი 

იზაბელა იტალიელი რეჟისორის რობერტო როსელინისა და შვედი მსახიობის ინგრიდ ბერგმანის შვილია. მას პირველი წამატება მოუტანა ფილმმა ,,ლურჯი ბარხატი“. მისი გულის მონადირებას ცდილობდნენ მარტინ სკორსეზე, დევიდ ლინჩი, გერი ოლდმენი და სხვები.  როსელინი ხშირად ჩნდებოდა პოპულარული ჟურნალების გარეკანებზე და კოსმეტიკური ბრენდების სარეკლამო სახე იყო. ის შარშან, 63 წლის ასაკშიც გახდა Lancôme-ის სახე.