კვადრატული ფორმა
მენჯისა და თეძოს ძვლები სწორადაა განთავსებული, არაა მკვეთრი გადასვლა წელის მხარეს, ამიტომაც ფიგურა კვადრატულად გამოიყურება. თუკი დუნდულები მცირე ზომისაა და არ იგრძნობა წელი, მენჯი, თეძო, თქვენ "კვადრატული" ფორმის ფიგურა გაქვთ.
რომელი კაბის არჩევა ჯობია?
აირჩიეთ მრავალშრიანი კაბა, რომელიც მოცულობის ეფექტს ქმნის. ასევე, ყურადღება მიაქციეთ ხავერდის ქსოვილებს. თუკი კაბას აქვს ბაფთა, რომლის შეკვრაც უკან ლამაზად შეიძლება, მაშინ ეს კიდევ ერთი საშუალებაა, მოცულობა შექმნათ იქ, სადაც გსურდათ.
მრგვალი ფორმა
თეძო ფიგურასთან შედარებით საკმაოდ დიდი ჩანს. თუკი სარკესთან გვერდულად დადგებით, შეძლებთ დაინახოთ, რომ დუნდულები თანაბრად დიდია, წელიდან დაწყებული თეძომდე.
რომელი კაბის არჩევა ჯობია?
ასეთი სილამაზის დამალვა ცოდვაა, მაგრამ, თუკი მოცულობის ოდნავ შემცირება გსურთ, მაშინ გირჩევთ, კლოში კაბები შეარჩიოთ. რაც უფრო ფართოა კაბა ბოლოსკენ, მით პატარა ჩანს თეძოები. ასევე, მიმართეთ ყურადღების გადატანის ხერხს: ღრმა დეკოლტე, უცნაური საყელო და ა.შ.
ამობრუნებული გული
ამგვარი დუნდულების მთელი მოცულობა ქვემოთაა კონცენტრირებული. წელიდან თეძოსკენ გადასვლა მკვეთრად ხდება, გვერდებზე არაფერია ზედმეტი. ასეთი ფიგურა ესტროგენის დიდი რაოდენობის გამო ცხიმების დუნდულების ქვედა ნაწილსა და თეძოებზე გადანაწილების შედეგია.
რომელი კაბის არჩევა ჯობია?
კაბის არჩევისას "ამპირის" სტილს მიანიჭეთ უპირატესობა, მას მაღალი წელი აქვს. ასევე, კარგად გამოჩნდება მუხლამდე სწორწელიანი კაბები. აქ მთავარია აქცენტის გადატანა მკერდსა და მუხლებზე და თეძოს ხაზის მომგებიანად წარმოჩენა.
V-ს მაგვარი (გადაბრუნებული სამკუთხედი)
ასეთ ფიგურაში თეძოსა და მენჯის ხაზი ქვემოთკენ ვიწროვდება და გადაბრუნებულ სამკუთხედს მიაგავს.
რომელი კაბის არჩევა ჯობია?
კაბის არჩევისას ყურადღება მიაქციეთ, რომ ქსოვილი მსუბუქი, მკერდის ქვეშ აკრეფილი იყოს. ასევე, მომგებიანად გამოჩნდება აბრეშუმის მოკლე რეტროკაბები.