ვერძი - ვარდისფერი
ბევრს ვარდისფერი არასერიოზული და ინფანტილური ფერი ჰგონია. მაგრამ ვარსკვლავები მის განსაკუთრებულობაზე მიგვანიშნებენ! სითბო, მყუდროება, სინათლე - ყველაფერი ეს ვარდისფერ ტონებშია.
დინამიკური ვერძებისთვის ეს ფერი ცუდ ხასიათზე ყოფნისას საუკეთესო ხსნაა. ის მათ გაათბობს და მხარს დაუჭერს. ვერძებისთვის, ასევე, კარგია ინტერიერში ნარინჯისფერი და ოქროსფერი ტონები.
კურო - შავი
ამ მამაც და მიზანდასახულ ხალხს თავიანთი ცხოვრებისეული პოზიცია აქვს, რომელსაც ბოლომდე დაიცავენ! შავი ინტერიერი კუროს საცხოვრებლისთვის იდეალურია, თუნდაც სასტუმრო ოთახში მაინც. მათ ფეთქებად ხასიათს, ასევე, გააწონასწორებს ყავისფერი და კრემისფერი.
ტყუპები - ყვითელი
მზის ფერი იდეალურია ცვალებადი ხასიათის, აქტიური და ენერგიულები ტყუპებისთვის. ასევე, მისაღებია ცისფერი ტონები. ტყუპები ამგვარ სახლში თავს ყოველთვის მყუდროდ იგრძნობენ!
კირჩხიბი - ღია ცისფერი
ცისფერი გამა მათ ძალიან დაამშვიდებს. ცისფერი, ბაცი იასამნისფერი, ნაცრისფერი - ზუსტად ისაა, რასაც კირჩხიბის სული ითხოვს.
ლომი - იისფერი
ლომს შთაგონება და მეფური განწყობით ავსება სჭირდება, ამიტომაც იისფერი მის სახლში აღმატებულ ატმოსფეროს შექმნის.
ქალწული - კრემისფერი
ეს ფერი ქალწულს თავის სამყაროში უსაფრთხოების გარანტიას აძლევს. საერთოდ ქალწულს ყველა ნათელი ფერი სულიერ სიმშვიდესა და ძალას ანიჭებს!
სასწორი - მწვანე
მწვანე ფერი - ჰარმონიის ფერია. ამ ტონებში გადაწყვეტილი კედლები და ავეჯი სასწორის ცხოვრებას უკეთესობისკენ შეცვლის.
მორიელი - წითელი
მგრძნობიარე და ვნებიანი მორიელები წითელ ფერებში გადაწყვეტილ ინტერიერში კარგად გრძნობენ თავს. მათთვის ხელსაყრელ ატმოსფეროს ქმნის ნარინჯისფერი და შავიც.
მშვილდოსანი - შოკოლადისფერი
შოკოლადისფერ-ყავისფერი ტონები ფილოსოფიურ განწყობას უწყობს ხელს. ეს კი მშვილდოსნებისთვის ჩვეული მდგომარეობაა. ამ დაუდგრომელ მეოცნებეებს ცისფერი და მწვანე ფერებიც ძლიერ უხდებათ.
თხის რქა - ნაცრისფერი
ნეიტრალური ფერები თხის რქებს საშუალებას აძლევს, უფრო ძლიერები, მობილიზებულები და დისციპლინირებულები იყვნენ! ასევე, შეიძლება ცისფერის ჩართვაც. ავეჯისა და ინტერიერის დეკორის შერჩევისას ეს უნდა გავითვალისწინოთ.
მერწყული - ნარინჯისფერი
ციტრუსის შეფერილობა მერწყულების ორიგინალურობას ხაზს უსვამს და საზეიმო განწყობას ქმნის! ნარინჯისფერი გამა შრომისმოყვარეობას და შემოქმედებით უნარებს ზრდის. ის სტრესისგანაც იცავს.
თევზები - ცისფერი
მგრძნობიარე თევზებისთვის ცისფერი, იისფერი, ლურჯი საუკეთესო ფერებია. თევზების საცხოვრებელი ჰარმონიული და აღმაფრთოვანებელი იქნება, თუკი მას წყლისა და კოსმოსის ტონებში მოვრთავთ.
