1. ჩარლზ დიკენსის „საშობაო სიმღერა“
ეს დიკენსის ყველაზე პოპულარული ნოველაა. მისი მოქმედება საშობაო დღესასწაულის დღეებში გრძელდება. მთავარი გმირი ძუნწი სკრუჯი ვერ იტანს შობას, ვინაიდან ამ დროს არავინ მუშაობს და, შესაბამისად, მისი შემოსავალიც ნაკლებია. მას შობას სამი სული ეწვევა, რომლებიც მის გარდაქმნას შეეცდებიან.
2. ნიკოლოზ გოგოლის „შობის წინა ღამე“
კუდიანი, რომელიც ციდან ვარსკვლავებს იპარავს და ცოცხზე გადამჯდარი ეშმაკი - პირველივე ფურცლებიდან სულ სხვა სამყაროში ვხვდებით.
თხრობის მთავარი ხაზი კი ვაკულასა და ოქსანას სიყვარულია. გოგონა შეყვარებულს სამეფო ფეხსაცმლის საშოვნელად აგზავნის - მხოლოდ ამ შემთხვევაში გახდება მისი ცოლი. წაიკითხეთ და მიხვდებით, რომ შობის ღამე მართლა სასწაულების ღამეა.
3. ო.ჰენრის „მოგვების ძღვენი“
თუკი მოულოდნელი ფინალი გიყვართ, მაშინ ეს მოთხრობა აუცილებლად უნდა წაიკითხოთ. ეს ორი შეყვარებულის ძალიან ამაღელვებელი ისტორიაა. ახალგაზრდა ოჯახური წყვილი აღმოაჩენს, რომ მათ ერთმანეთისთვის საშობაო საჩუქრების ფული არ აქვთ. თითოეული მათგანი გადაწყვეტს, გაყიდოს ყველაზე ღირებული რამ, რაც გააჩნია...
4. აკა მორჩილაძის „შობა ღამის ალქაჯები”
ცოტა ქალაქური ამბები, ცოტაც – მისტიკა, პაროდია, აკას საფირმო, გემრიელი სტილი – უდავოდ მშვენიერი ნაზავია.
5. აგატა კრისტის „საშობაო პუდინგის თავგადასავალი“
რა სჯობია პუაროს კომპანიაში ყოფნას, თუნდაც საახალწლოდ. მართალია, შობისთვის არცთუ შესაფერისია ის დანაშაული, რაც წიგნში ხდება და თავად ბატონი პუაროც უხალისოდ ერთვება მილიონერის მკვლელობის გამოძიებაში, თუმცა სხვა რა გზა აქვს - ამ ამბის გახსნა მხოლოდ პუაროს შეუძლია.
