როგორც ექიმები ამბობენ, პრევენცია ჯანმრთელობის გარანტიაა. თუკი დროზე შეამჩნევთ სიმპტომებს, დაავადება შესაძლოა, ჩანასახშივე განადგურდეს. ამიტომაც ყურადღებით წაიკითხეთ ეს რჩევები და დაიმახსოვრეთ!
1. ხალი
თუკი პატარას სხეულზე არასიმეტრიული, არაერთგვაროვანი ფერის 6 მმ-ზე მეტი ლაქა გამოჩნდა ან ძველმა ხალმა დაიწყო ზრდა, აუცილებლად მიაკითხეთ ექიმს.
2. სიმელოტე
ბავშვებში თმის ცვენის მიზეზი შესაძლოა, ვიტამინების ნაკლებობა იყოს, მაგრამ ასე მარჩიელობას აჯობებს, კონსულტაციისთვის პედიატრს მიმართოთ.
3. თავის გადიდება
ყიფლიბანდი ჩვილებში სავსებით ნორმალური მოვლენაა, მაგრამ დროთა განმავლობაში ის უნდა დაიხუროს და არავითარ შემთხვევაში ზომაში არ უნდა გაიზარდოს. თუკი ეს მაინც მოხდა, ესე იგი ექიმთან მიყვანაა საჭირო.
4. სმენის დაქვეითება
თუკი პატარამ თხოვნებზე რეაგირება შეწყვიტა ან დაძახებაზე არ პასუხობს, შესაძლოა, სმენის პრობლემები ჰქონდეს. ამიტომ სპეციალისტთან კონსულტაცია აუცილებელია.
5. რეჟიმის დარღვევა
მადის მოულოდნელი დაკარგვა, ძილის რეჟიმის დარღვევა და ბავშვის სამოძრაო აქტივობის შემცირება - ეს ყველაფერი საკმარისი მიზეზია ექიმთან ვიზიტისთვის.
6. მუდმივი წყურვილი
ბავშვის ხშირი და თითქოსდა უვნებელი წყლის თხოვნა შესაძლოა, სერიოზული დარღვევის სიგნალი იყოს. ამ დროს ექიმის კონსულტაცია ნამდვილად საჭიროა.
7. ხმამაღალი ხვრინვა
მსუბუქი ხვრინვა არ მიიჩნევა საშიშ სიგნალად, მაგრამ მისი ინტენსივობის ზრდა სუნთქვის დარღვევებზე მიუთითებს. მსგავსი სიმპტომების იგნორირება არ შეიძლება, რადგან შესაძლოა, ორგანიზმში ინფექციის არსებობაზე მიუთითებდეს.
„საქართველოს დებატებისა და განათლების ინსტიტუტი“, საერთაშორისო პროექტის - დებატები მუზეუმებში - ფარგლებში, რომელიც მხარდაჭერილია „ვიზეგრადის” ფონდის მიერ, იწყებს კონკურსს მუზეუმებისთვის მთელი საქართველოს მასშტაბით.
ზოგი ადამიანი ფიქრობს, რომ რაც უფრო ცხელა სახლში, მით უფრო კარგად მუშაობს გათბობის სისტემა. თუმცა, როგორც ყველგან, აქაც ძალიან მნიშვნელოვანია, რომ პროფესიონალების რჩევები გავითვალისწინოთ და სახლში ტემპერატურა ისე დავარეგულიროთ, რომ პროცესმა ჩვენს ჯანმრთელობას საფრთხე არ შეუქმნას.