თუკი მხოლოდ თქვენს სახეს აჩვენებთ ახლო ხედით
ეს იმაზე მიუთითებს, რომ საკუთარ თავს ძალიან აფასებთ და გიყვართ. ამიტომაც განსაკუთრებით მომგებიან კადრებს არჩევთ და საზოგადოებისგან მოწონებას ელით.
თუკი ძირითადად ჯგუფური ფოტოები გაქვთ
ეს მიუთითებს, როგორ გიყვართ ადამიანებთან ყოფნა და მათ კომპანიაში დროის გატარება. სამწუხაროდ, არ არის გამორიცხული, ფოტოს მიღმა თავს მარტოსულად გრძნობდეთ.
თუკი მხოლოდ ლამაზ, ზოგად ფოტოებს აქვეყნებთ
ამით ცხოვრების მიმართ თქვენს სიყვარულზე მიანიშნებთ. სიცოცხლისმოყვარული და ენერგიით აღსავსე ადამიანი ბრძანდებით და გსურთ, თქვენი დადებითი ემოციები თქვენს წრესაც გაუზიაროთ.
თუკი თქვენი ფოტოები შავ-თეთრია
შავ-თეთრი ფილტრი თქვენს ნაკლს ჩქმალავს, თანაც უფრო მოკრძალებულ ვერსიას იღებთ. არ არის გამორიცხული, ცოტა ნერვიული და პესიმისტიც იყოთ. თქვენში ნეგატიური ემოციები ჭარბობს. თქვენთვის ჭიქა ყოველთვის ნახევრად ცარიელია.
თუკი საკვების ფოტოები ჭარბობს
ეს იმას ნიშნავს, რომ გსურთ, თავი ესთეტად და გურმანად წარმოაჩინოთ. ასევე, გსურთ, საკუთარი ინდივიდუალურობა და ორიგინალურობა დაგვანახოთ. ამგვარ ფოტოებს, როგორც წესი, ცხოვრებით კმაყოფილი ადამიანები აქვეყნებენ.
თუკი თქვენი ფოტოები მაქსიმალურად ბუნებრივია
თუკი ფოტოშოპს არ იყენებთ და წინასწარ დადგმული პოზებიც არ გიყვართ, ეს იმას ნიშნავს, რომ მოწიფული ადამიანი ხართ და შინაგან სტაბილურობასა და წონასწორობას მიაღწიეთ. თქვენთვის სულერთია, რას იფიქრებს ხალხი და არც მათი რეაქცია გაღელვებთ.
თუკი ფოტოების უმეტესობა მეორე ნახევართან ერთად გაქვთ
ეს თქვენი არასაკმარისი თავდაჯერებულობის მაჩვენებელია. გსურთ, მთელ ქვეყანას გააგებინოთ, რომ მარტო არ ხართ. ადამიანს, რომელიც პირადი ცხოვრების ამსახველ ფოტოებს წამდაუწუმ აქვეყნებს, დაბალი თვითშეფასება აქვს. ერთი-ორი ამგვარი ფოტო სავსებით საკმარისია.