შეეცადეთ, ლოყაწითელი და პუტკუნა იაპონელი ქალი წარმოიდგინოთ. არ გამოგდით? ბუნებრივია. იაპონელი ქალების უმრავლესობა ხომ თოჯინასავით მინიატურულია. როგორც ამბობენ, ეს პირველ რიგში გენეტიკის დამსახურებაა. მაგრამ, ამას გარდა, იაპონელმა ქალებმა ერთი პატარა ეშმაკობაც იციან, რომელიც თაობიდან თაობას გადაეცემა.
იაპონელმა ქალებმა კარგად იციან, რა ზემოქმედებას ახდენს სხეულზე სწორი კვება. მაგალითად, ამშვიდებს, ეხმარება დაძინებაში და სხვა. მაგრამ ყველაზე საინტერესო ის ფაქტია, რომ სწორი სუნთქვა წონის დაგდებასა და კუნთების გამაგრებაში ეხმარება. სწორედ წონის დასაგდებად შეიქმნა ე.წ. ჰაერის დიეტა. აქ საუბარი არაა კვების შეზღუდვაში. ეს საკმაოდ კარგად ცნობილი სუნთქვითი ვარჯიშებია. მის შესასრულებლად დადექით სწორად, ღრმად ჩაისუნთქეთ 3 წამის განმავლობაში და შემდეგ ხანგრძლივად ამოისუნთქეთ 7 წამის განმავლობაში. ამ ვარჯიშს დღეში 2 წუთი დაუთმეთ (გამოტოვების გარეშე) და მალე პირველ შედეგებსაც შეამჩნევთ.
„ჰაერის დიეტა“: მუცლისა და წელის მიდამოებში ზედმეტი სანტიმეტრების მოშორებაში დაგეხმარებათ. აქ არავითარ ჯადოქრობას არ აქვს ადგილი, ყველაფერი მეცნიერულადაა დასაბუთებული: ღრმა სუნთქვის დროს ჟანგბადი ცხიმოვან ქსოვილში აღწევს და ცხიმს ნახშირბადად და წყლად შლის. ამგვარად გარდაქმნილ ცხიმოვან ნადებებს ადამიანის ორგანიზმი უფრო ადვილად იშორებს თავიდან. ამიტომაც ნებისმიერი სხვა ფიზიკური აქტიურობა, მსუბუქი ვარჯიში ანდა ფეხით გასეირნება უფრო მეტ „ცხიმის დამწველ“ ეფექტს იძლევა. ბონუსად კი გაძლიერებულ მეტაბოლიზმს ვიღებთ.
ბევრი იაპონელი მსახიობი და მოდელი ხშირად ასახელებს „ჰაერის დიეტას“ თავისი მოხდენილი ფიგურის საიდუმლოს ასახსნელად. მართალია, სწორი სუნთქვა ძლიერ სასარგებლო თვისებაა, მაგრამ მხოლოდ მისი დახმარებით ათობით კილოს დაგდებას ტყუილად ეცდებით. ელემენტარულ მოძრაობებსა და კვების შეზღუდვასაც ნუ დავივიწყებთ.