მერწყული
ერთი შეხედვით, მერწყული შეიძლება, გულითად და ურთიერთობაში მსუბუქ ადამიანად მოგეჩვენოთ, მაგრამ ის ძალიან ემოციურია და ზოგჯერ ეს კონფლიქტების მიზეზი ხდება. მერწყულები ხომ მთელ სამყაროზე არიან ნაწყენები - მიაჩნიათ, რომ მათ ვერავინ უგებს.
ვერძი
ვერძები შეიძლება, საუკეთესო მეგობრები იყვნენ, მაგრამ მხოლოდ მათთვის, ვისაც ლიდერის პოზიციების დათმობა და ვერძების მორალურ კოდექსთან შეგუება შეუძლიათ. თუკი შორს შეტოპავთ და ვერძებთან ღია კონფლიქტზე წახვალთ, თქვენს ბედს ნამდვილად არავინ ინატრებს.
მორიელი
მორიელებს დომინირება უყვართ და უკვე მარტო ეს ფაქტი ართულებს მათთან ურთიერთობას. ამას თუ მორიელების შურისმაძიებლურ ბუნებას დავუმატებთ, მაშინ სურათი კიდევ უფრო მძიმე იქნება. მოკლედ, გირჩევთ, მორიელებთან ყურები დაცქვეტილი გქონდეთ.
ტყუპები
ტყუპები შეიძლება წყნარ და გაწონასწორებულ პიროვნებებად მოგეჩვენოთ, არადა ამ დროს მათ სულში მექსიკური სერიალის ვნებები ბობოქრობს. გარედან შეიძლება ვერც კი მიხვდეთ, რა ცეცხლი ტრიალებს მათ გულში და ძველებურად გააგრძელოთ მათთან ურთიერთობა. არადა ეს კიდევ უფრო ამძაფრებს ტყუპების შინაგან დაპირისპირებას.
ქალწული
ქალწულების საყვარელი გასართობი სხვების კრიტიკაა. ამ თვისებას ისინი დეტალებზე მანიაკალური კონცენტრირებით ამჟღავნებენ. თავიანთ შეფასებებში ქალწულები ძალიან უმოწყალონი არიან და სულაც არ ადარდებთ, რა სულიერ ტკივილს აყენებენ სხვებს.
კურო
კუროს ზოგჯერ კოლექტივთან ურთიერთობა უჭირს, ვინაიდან კომპრომისი მისთვის არ არსებობს. თუკი რაღაც საკითხზე საბოლოო გადაწყვეტილება მიიღო, მასთან საუბარს აზრი აღარ აქვს. სწორედ კუროზეა ნათქვამი, „შეაყარე კედელს ცერცვიო“.
თხის რქა
თხის რქებთან მშვიდობიანი თანაცხოვრება შესაძლებელია, თუკი მათ საკუთარი კომფორტის ზონიდან არ გამოიყვანთ. და თუ ეს მაინც მოხდა, აფეთქებული ბომბის ეფექტი გარანტირებული გექნებათ.