სტატია, რომელიც ჟურნალ American Sociological-ში გამოქვეყნდა, კალიფორნიის უნივერსიტეტის მეცნიერებისა და ფსიქოლოგების ერთობლივ კვლევაზე მოგვითხრობს. კვლევაში ათასი ადამიანი მონაწილეობდა, რომლებმაც, დაახლოებით, 12 000 ნათესავიდან დაასახელეს ის, ვისთანაც შედარებით რთული ურთიერთობა აქვთ.
აღმოჩნდა, რომ ოჯახური ურთიერთობები ადამიანებს იმაზე მეტად აღელვებთ, ვიდრე მეგობრებთან, კონდუქტორებთან და იპოთეკურ მენეჯერებთან კონტაქტი (13% 6-7%-ის წინააღმდეგ) და ეს სიახლე არ არის. გაცილებით საინტერესოა, გამოკითხულებისთვის რომელი ნათესავია ყველაზე მომაბეზრებელი.
და აი, შედეგი - აღმოჩნდა, რომ ყველაზე მომაბეზრებელი ნათესავები არიან დედები, ცოლები, დები!
გამოკითხულებიდან ყოველი მესამე წუწუნებდა, რომ სწორედ ოჯახის ქალ წევრებთან ურთიერთობა უქმნის ფსიქოლოგიურ დისკომფორტს (ეს აღიარეს არა მხოლოდ კაცებმა, არამედ ქალებმაც).
„ერთი მხრივ, ესენი შეიძლება იყვნენ ადამიანები, რომლებზეც ყველაზე მეტად არის დამოკიდებული თქვენი ცხოვრება, მაგრამ მეორე მხრივ - ისინი ყველაზე ბუზღუნა და შემაწუხებლები არიან ახლობლებთან ურთიერთობაში“, - აღნიშნავს ერთ-ერთი მკვლევარი, ფსიქოლოგი კლოდ ფიშერი.