მე-6 ადგილი - კირჩხიბი
ქალ-კირჩხიბთან თუკი არასერიოზული მიზნები გაქვთ, მაშინ შეგიძლიათ, ურთიერთობა ცარიელი ჯიბითაც დაიწყოთ. იმიტომ რომ ქალი-კირჩხიბი, ყვავილის გარდა, მამაკაცისგან არავითარ საჩუქარს არ მიიღებს - ქალური სიამაყე ამის უფლებას არ მისცემს. მაგრამ თუ მიზნები სერიოზულია, მაშინ კაცმა ჯერ ფულის შოვნა უნდა ისწავლოს. სხვა ვარიანტი მაინც არ არსებობს: ქალი-კირჩხიბი კაცს ფულის შოვნას მაინც აიძულებს.
მე-5 ადგილი - მორიელი
მასთან ურთიერთობა ძალიან ძვირია. მორიელებს ძალიან უყვართ ფული, თანაც მგზნებარე, მწველი სიყვარულით, თუმცა მორიელის პატარა ბედნიერებაში ჩადებული ინვესტიცია შემდეგში ასმაგად დაგიბრუნდებათ. აი, უფულოდ მორიელთან არშიყი კი დიდი შეცდომაა, მორიელი თავისას მაინც მიიღებს - თუ ფულით არა, რაიმე გემრიელით მაინც - მაგალითად, კაცის ტვინით.
მე-4 ადგილი - კურო
თუკი კაცი ფიქრობს, რომ „მთავარია ყურადღება და არა - საჩუქარი“, მაშინ კუროს სათოფეზე არ უნდა გაეკაროს. უფულოდ ყურადღება მისთვის უყურადღებობას უფრო ნიშნავს. ასე რომ, როცა კუროს მოწყენილობას შეატყობთ, ახალი სამოსით გაამხიარულეთ, ანდა ჯობს - ბრილიანტებით. ასე უფრო მალე მოიყვათ ხასიათზე.
მე-3 ადგილი - სასწორი
სასწორისთვის ფული არაფერია, თუ გინდა მთელი ტომარა დააყარე - არ დააფასებს. სასწორი, ფულზე მეტად, სწორ საჩუქრებს აფასებს. სწორი საჩუქარი კი ის საჩუქარია, რომელსაც ყველას არ ჩუქნიან, მაგალითად - ანტიკვარიატი. დიახ, ეს ძვირია, თანაც - ძალიან ძვირი.
მე-2 ადგილი - ლომი
ქალ-ლომს მამაკაცის მთელი ქონება არ სჭირდება. მას სჭირდება მთელი ქონება პლუს კიდევ ერთი ქონება - ის, რომელსაც ის გამოიმუშავებს, სანამ ქალი-ლომი თავის გვერდით ყოფნის უფლებას მისცემს. რაც შეეხება ფულის დახარჯვას, აი, ამას კი ლომი თავის თავზე აიღებს და თანაც მეფური ხელგაშლილობით შეასრულებს.
1-ლი ადგილი - თევზები
უბრალოდ, მიეცით თევზებს ყველაფერი, მთელი ფული, მთელი ძვირფასეულობა, ხელი, გული და სხვა, მათ შორის, სულიც. აბა, რა, გგონიათ, მხოლოდ ბრილიანტებით გახვალთ ფონს?