ავსტრალიელი ექიმი მიშელ ლასტელი ამტკიცებს, რომ ძილის წინ სექსი არა მხოლოდ სასიამოვნო, არამედ სასარგებლოცაა!
კვლევაში 18-დან 70 წლამდე ასაკის ადამიანები მონაწილეობდნენ. მათ ექიმმა გამოჰკითხა, რით იყვნენ დაკავებულები ძილის წინ და რამდენად სწრაფად იძინებდნენ. აღმოჩნდა, რომ გამოკითხულთა 64%, რომლებიც ძილის წინ სექსით არიან დაკავებულები და თან, ორგაზმსაც განიცდიან, ძალიან სწრაფად იძინებენ და თან ღრმად სძინავთ.
საქმე ის არის, რომ სექსი ასტიმულირებს ორგანიზმში „ბიოქიმიურ კოქტეილს“, ჰორმონ ოქსიტოცინისა და პროლაქტინის მაღალი შემცველობით. სწორედ ამ ორი ჰორმონის დამსახურებაა ღრმა და ტკბილი ძილი.
გარდა ამისა, სექსის დროს პარტნიორები არ ფიქრობენ დირექტორებზე, ხელმძღვანელებზე, ჯარიმებზე, მანქანაზე და მსგავს ყოფით პრობლემებზე, რაც, ასევე, შინაგან სიმშვიდეს უზრუნველყოფს.
ასე რომ, დაზოგეთ ფული ძვირად ღირებულ საძილე აბებზე და თამამად მიმართეთ ბუნებრივ „დამამშვიდებელ“ საშუალებას.
