სულ ახლახან „ოჯახური ფსიქოლოგიის ჟურნალში“, რომელსაც ამერიკელი ფსიქოლოგების ასოციაცია გამოსცემს, გამოქვეყნდა კვლევის შედეგები თემაზე - ვისთან ისურვებდით ღალატს (თუკი ღალატი გადაწყვიტეთ).
კვლევის შედეგი, რომელშიც 13030 ამერიკელი მონაწილეობდა, ნამდვილად გამაოგნებელი აღმოჩნდა. მკვლევარები დაინტერესდნენ იმ ადამიანებით, რომლებსაც პარტნიორისთვის ან მეუღლისთვის უღალატიათ.
კვლევაში მონაწილეებს დაუსვეს შემდეგი შეკითხვა:
ვისთან გიღალატიათ?
პასუხში რამდენიმე ვარიანტი იყო ჩამოთვლილი:
- ახლო მეგობართან;
- მეზობელთან;
- შემთხვევით ნაცნობთან;
- ადამიანთან, რომელსაც სექსში ფული გადაუხადეთ;
- კოლეგასთან;
- დიდი ხნის ნაცნობთან;
- ან სხვა ვარიანტი.
აღარ დაგღლით. გამოკითხულთა უმეტესობამ (53,5%) უპასუხა „ახლო მეგობართან". დიახ, დიახ. აღმოჩნდა, რომ აკრძალული სიამოვნებისა და მორალურ-ეთიკური ტანჯვის ძიებაში ადამიანების უმეტესობა ზარმაცი და მოუხერხებელია. ეზარებათ კომფორტის ზონიდან გამოსვლა.
მეორე ადგილზე დგას „მეზობელი, კოლეგა ან დიდი ხნის ნაცნობი“ - ეს პუნქტი 29,4%-მა შემოხაზა.
მხოლოდ 21%-მა გადაწყვიტა ღალატი შემთხვევით ნაცნობთან, ხოლო სექსში ფული გამოკითხულთა 7,9%-მა გადაიხადა.