მაშ ასე, გაეცანით ადგილებს, სადაც შეგიძლიათ, სპონტანური სექსით დაკავდეთ - მიღებული სიამოვნება წარუშლელ მოგონებებს დატოვებს თქვენში!
ლიფტი
თქვენც არ გესიამოვნათ ამ ადგილის წაკითხვა? მაგრამ წამით წარმოიდგინეთ მცირე ზომის კაბინა, მართალია, მეზობლების ძაღლების არომატით, მაგრამ ლამაზი და რაც მთავარია, სუფთა, სადაც შეგიძლიათ, თითი დააჭიროთ ღილაკს „ლიფტის გაჩერება“. რისკის წარმოუდგენელი შეგრძნება კიდევ უფრო აღგაგზნებთ და „საქმეს“ სწრაფად, მაგრამ ხარისხიანად დაგასრულებინებთ. ლიფტში სექსის სწორი პოზა სტანდარტულია - ქალი კედელს მიეყრდნობა, კაცი თეძოებზე მოკიდებს ხელს და...
გამოსაცვლელი ოთახი
შოპინგის დროს გადაწყვიტეთ, მკვეთრი შეგრძნებები განიცადოთ? ამას მაღაზიაში უდავოდ შეძლებთ. ბევრი არ მოგეთხოვებათ - სითამამე და სიჩუმე. ეს ბოლო პუნქტი განსაკუთრებით მნიშვნელოვანია, თუკი არ გსურთ, თქვენი ვნებით მაღაზიის პერსონალი და სხვა მყიდველები აღაშფოთოთ. სხვათა შორის, ამ შემთხვევაში გასაოცარი ბონუსი გაქვთ - სარკე, რომელიც გამოსაცვლელ კაბინაში აუცილებლად იქნება.
მანქანა
სექსი მანქანაში - ეს ნამდვილად კლასიკაა. ასე არ არის? ეს იდეალური ვარიანტია სწრაფი და „სხვათაშორის“ სექსისთვის - სახლისკენ მიმავალ გზაზე ან საცობში. სხვათა შორის, ეს უკანასკნელი ყველაზე საშიშია! ამ შემთხვევაში, პოზას ვერ გირჩევთ, ყველაფერი ავტომობილის გაბარიტებზეა დამოკიდებული - თუკი დიდი ზომის მანქანა გყავთ, წესები არ არსებობს, ხოლო თუკი თქვენი ავტომობილის სალონი პატარაა, მოგიწევთ, გარისკოთ და ყურადღება არ მიაქციოთ გვერდით მდგომი ავტომობილიდან გაოგნებულ მზერას.
კიბე
თუკი ძალიან ცოტა დრო და სექსის დიდი სურვილი გაქვთ, დიდი კიბეც ძალიან დაგეხმარებათ. მართალია, აქ ერთი ნიუანსი უდავოდ უნდა გაითვალისწინოთ: აირჩიეთ მაღალი სართული, რომელსაც ადამიანები ნაკლებად იყენებენ. ამ შემთხვევაში, ისევე, როგორც ლიფტის შემთხვევაში, სასურველია, სექსისთვის სუფთა კიბე შეარჩიოთ და არ დაგავიწყდეთ: აუცილებლად უნდა მუშაობდეს ლიფტი.
კინოთეატრი
გაგახსენდათ თინეიჯერობის წლები, როდესაც შეყვარებულთან ერთად კინოს ბილეთებს უკანა რიგებში იღებდით? რა მნიშვნელობა ჰქონდა, რა ფილმი გადიოდა, მთავარი იყო, ძალიან მალე დაწყებულიყო სეანსი. იქნებ გაიმეოროთ ისტორია, ოღონდ არა მხოლოდ კოცნით, არამედ სექსით. სხვათა შორის, ამ შემთხვევაში ორალური სექსი ძალიან მარტივია.
