საიდუმლო N1: როდესაც ხანგრძლივი და მდგრადი მაკიაჟის გაკეთება გჭირდებათ, დაივიწყეთ დამატენიანებელი საშუალებები და სხვადასხვა კრემები მაკიაჟის ქვეშ. ამ ნაბიჯის გარეშე ტონალური საშუალება გაცილებით დიდხანს გაგიძლებთ.
საიდუმლო N2: შეუთავსეთ თხევადი და მშრალი ტექსტურა ერთმანეთს. მაგალითად, თუკი კრემ-რუმიანა გაქვთ, წაისვით იგივე ფერში თვალის ჩრდილი. ბიონსეს ვიზაჟისტი სირ ჯონი თავის კლიენტებს მუდმივად თხევად ტონალურს უსვამს, რომელსაც შემდეგ პუდრით ამყარებს. ასევე, თვალის თხევად ჩრდილს დამატებული მშრალი ჩრდილი და ა.შ.
საიდუმლო N3: ნუ გადაამეტებთ ბეიკინგის (ეს არის მაკიაჟის ახალი ტექნიკა – ნაოჭებისა და დეფექტების შენიღბვა კორექტორისა და გამჭვირვალე პუდრის მეშვეობით) გაკეთების დროს. უმჯობესია, ზომიერად გადაისვათ პუდრი კანის ცხიმიან ნაწილებზე.
საიდუმლო N4: არ დაგავიწყდეთ სახიდან ცხიმისა და მბზინვარების მოსაშორებელი ხელსახოცებით სარგებლობა. სანამ მაკიაჟს პუდრით შეისწორებთ, გადაისვით ხელსახოცი სახეზე.
საიდუმლო N5: თუ გსურთ, პომადამ ტუჩზე დიდხანს გაგიძლოთ, წინასწარ ტუჩების სწორ მოვლაზე უნდა იზრუნოთ. მნიშვნელოვან ღონისძიებამდე ან წვეულებამდე (სადაც გსურთ, ძალიან კარგი მაკიაჟით წარდგეთ) რამდენიმე დღით ადრე გაიკეთეთ ტუჩების სკრაბი და არ დაგავიწყდეთ ჰიგიენური პომადით სარგებლობა.
