10 რჩევა ინტერნეტიდან, რომელიც არა მხოლოდ საზიანოა, არამედ საშიშიც!

ქოქოსის ზეთის გამოყენება დამატენიანებელი კრემის ნაცვლად:
ქოქოსის ზეთი შეგიძლიათ, შეიზილოთ თმებში ან მშრალ ტანზე შხაპის მიღების შემდეგ. მაგრამ მისი გამოყენება დამატენიანებელი კრემის სანაცვლოდ მიუღებელია. ხომ არ გინდათ სახეზე გამონაყარმა და ღრმა ფორებმა შეგაწუხოთ? მაშინ დაივიწყეთ ეს რჩევა. 

სახის სკრაბირება ლიმონის ან ლაიმის წვენით:
არა! და კიდევ ერთხელ არა! ლიმონის და ლაიმის წვენი საკმაოდ საზიანოა სახის ნაზი კანისთვის. ორივე მათგანი მზეზე ქიმიურ რეაქციების პროვოცირებას ახდენს, რაც იწვევს კანის დამწვრობას, გამონაყარს და ჰიპერპიგმენტაციას.

აკნეს მკურნალობა კბილის პასტით:

დიახ, არსებობს ალბათობა, რომ კბილის პასტაში შემავალი სოდისა და წყალბადის პეროქსიდის დამხარებით სახეზე გაჩენილი აკნე გამოშრება, მაგრამ კიდევ უფრო დიდი ალბათობით, კბილის პასტა სახის კანს გააწითლებს და გააღიზიანებს. მოკლედ, კბილის პასტა და სახის კანი - ცუდი შერწყმაა.

კვერცხის ცილის გამოყენება სახის კანის დასაჭიმად:

ამ „რეცეპტით" სარგებლობდნენ ჯერ კიდევ ჩვენი ბებიები და უმჯობესია ეს წარსულში დავტოვოთ. უმკ ვერცხში სალმონელას უამრავი ბაქტერიაა, რომლებმაც, შესაძლოა, სახის ინფექციური დაავადება გამოიწვიონ.

სახეზე დეზოდორანტის წასმა:

საერთოდ, გაუგებარია, რა საჭიროა სახის კანზე დეზოდოტანტის წასმა, როდესაც უკვე დიდი ხანია არსებობს პრაიმერი ან სპეციალური გამოსაშრობი ხელსახოცები? ეს რჩევა აბსოლუტურად უსარგებლოა, რადგან დეზოდორანტი ებრძვის ოფლს და არა სახის ცხიმს. და კიდევ, დეზოდორანტის ტექსტურა ჭედავს ფოტებს და იწვევს გამონაყარს.

სახეზე შავი წერტილების მოშორება წებოთი:
ფიქრობთ, რომ შავ წერტილებთან გასამკლავებლად ნებისმიერი საშუალება კარგი და ეფექტურია? კიდევ ერთხელ დაფიქრდით. რა თქმა უნდა, საბავშვო წებო განსაკუთრებით საშიში არ არის, მაგრამ მაინც იწვევს კანის გაღიზიანებას. თანაც, ეს „რეცეპტი" ამ დავალებას ვერ შეასრულებს. ასე რომ, დაივიწყეთ!

სახეზე სპირტის წასმა:

ცხიმთან ერთად სპირტი სახის კანიდან გამოდევნის მთელ სინესტეს და კანს სრულიად გამოაშრობს. გარდა ამისა, გამოიწვევს კანის გაღიზიანებას. გარკვეული დროის შემდეგ კი ეს „შხამიანი ტონიკი" კიდევ უფრო მეტ ცხიმს გაგიჩნეთ სახეზე. 

თმის ლაკის გამოყენება მაკიაჟის დასაფიქსირებლად:

უმჯობესია, თმის ლაკმა თმები დააფიქსიროს, რადგან სახის კანი ლაკის მისხმის შემდეგ გაღიზიანდება, გამოშრება და აიქერცლება. გსურთ, რომ მაკიაჟი დღის ბოლომდე შეინარჩუნოთ? ისარგებლთ პუდრით და შესასხურებელი ფიქსატორით, რომლებიც ნამდვილად სახისთვის არის შექმნილი.

აკნეს მკურნალობა საბავშვო, პამპერსის შიგნით წასასმელი კრემით:
საბავშვო კრემი, რომელსაც პატარებს პამპერსის ჩაცმამდე უსმევენ, შეიცავს უამრავ ინგრედიენტს, რომლებიც სახის კანს ახლოსაც არ უნდა მივაკაროთ. მაგალითად, მინერალურ ზეთი, პარაფინი და სინთეტიკური ცვილი, რომებიც სახის კანს მხოლოდ პრობლემებს შეუქმნის.