ყველას გვსმენია, რომ სრულყოფილი ძილის გარეშე ადამიანის ტვინი არასრულყოფილად მუშაობს, ვერ ასწრებს ინფორმაციის გადამუშავებას და მოგონებების „დალაგებას“.
როდესაც ადამიანები მუდმივ დისკომფორტს განიცდიან, ცუდი განწყობა და არასაკმარისი ენერგია აქვთ, შესაძლოა, მათი სხეული ძილის ახალ ფაზაში შევიდეს და მოულოდნელად ჩაეძინოთ ავტობუსში ან სამუშაო ადგილზე, რადგან გამოუძინებლობა ადამიანის ორგანიზმზე უარყოფითად აისახება.
ნელი (ღრმა) ძილისა და პირიდან ნერწყვის გადმოსვლის ფაზა
ძილს რამდენიმე ფაზა აქვს. ძირითადი ფაზა ცნობილია, როგორც თვალების სწრაფი მოძრაობა (REM). ამ ფაზის დროს სხეული ღრმა ძილს ეტანება, რაც უმნიშვნელოვანესია ორგანიზმისთვის. ამ ეტაპზე ზოგიერთი ნეიროტრანსმიტერი იბლოკება, რათა გაითიშოს კუნთოვანი მოძრაობები, რომლებიც გვაიძულებს, გავიღვიძოთ კოშმარის ხილვის დროს. სწორედ ღრმა ძილის ფაზაში ხდება პირიდან ნერწყვის გადმოსვლა.
ექიმ ხორხე აბელი სალინასას თქმით, ტვინის ფუნქციები ითიშება სრულყოფილი დასვენებისა და აღდგენისთვის. გარკვეული დროით ადამიანი წყვეტს ნერწყვის ყლაპვას და პირის ღრუში დაგროვილი ნერწყვი პირიდან გადმოდის. ბუნებრივია, როდესაც კარგად ისვენებთ, სხეული სრულიად დუნდება. ამ დროს უნებლიეთ ვაღებთ პირს და ნერწყვიც გამოსასვლელ გზას პოულობს. ეს ნიშნავს, რომ ძილის პროცესი ნორმალურად მიმდინარეობს.
თუკი ძილის დროს ნერწყვი არ გადმოგვდის პირიდან?
ეს შესაძლოა, უკავშირდებოდეს ფხიზელ ძილს, რა დროსაც ორგანიზმი საკმარისად დასვენებას ვერ ახერხებს. ამის გამო ნეირონების აღდგენა არ ხდება.
მაშ ასე, თუკი ძილში პირიდან ნერწყვი გადმოგდით, თქვენ სრულყოფილი ძილი გაქვთ, რაც დადებითად აისახება თქვენს ჯანმრთელობაზე.
„ნუ შეგრცხვებათ ძილში პირიდან გადმოსული ნერწყვის, რადგან ეს ბუნებრივი ფაქტია. უბრალოდ, უნდა ვიყოთ დარწმუნებულები, რომ სწორად ვსუნთქავთ და რომ ძილში არ ხდება აპნოე (სუნთქვის შეწყვეტა)“, - განმარტავს ექიმი.
