ნივრის საჭყლეტი
ის მოსახმარად ბევრად მოსახერხებელია და ადვილადაც ირეცხება.
ჩანგალი სპაგეტის მოყვარულთათვის
ახლა მაკარონი ჩანგლიდან აღარ ჩამოგისრიალდებათ, ტალღოვანი კბილები მას მაღლა გააჩერებს.
360-გრადუსიანი როზეტი
ასეთ როზეტში ერთდროულად რამდენიმე ელექტროჩანგლის ჩართვა შეიძლება. დაგვეთანხმებით, ძალიან მოსახერხებელია. საჭირო აღარ არის არანაირი „ტრაინიკები“ და დამაგრძელებლები. თანაც ძალიან ესთეტიკურადაც გამოიყურება.
დამჭერი ხახვის დასაჭრელად
დაგვეთანხმებით, ხახვის სიმეტრიულად დაჭრა ყველას არ შეუძლია. მის სრიალა ზედაპირზე ხელი მუდმივად ცურავს და უბრალოდ, შეუძლებელია ხახვის იდეალურ რგოლებად დაჭრა. ტვინიკოსებმა გამოიგონეს დამჭერი ხახვის დასაჭრელად, რომელიც ამ პრობლემას ადვილად მოაგვარებს.
სპეციალური სადგამი ცივი და ცხელი სასმელებისთვის
ეს სადგამი თქვენს სასმელს ტემპერატურას შეუნარჩუნებს, ცხელი ჩაი იქნება ის თუ ცივი კოკა-კოლა. ამასთანავე, მაგიდის თერმოსი ტელეფონსაც დაგიტენით.
ქოლგა ორისთვის
ახლა თქვენი მეორე ნახევარი ნამდვილად აღარ დასველდება. გენიალურია არა?
კოვზი ჩაის პაკეტისთვის
ახლა უკვე აღარ დაგჭირდებათ ჩაის პაკეტის ძაფის კოვზზე გადახვევით ან ფინჯნის კიდეზე მიჭყლეტით გამოწურვა. ეს სპეციალური კოვზი ამას გაცილებით სწრაფად და ესთეტიკურად გააკეთებს. და თანაც, იდეალური საჩუქარი იქნება ჩაის მოყვარულთათვის.
კოვზი სასწორით
ეს აღმოჩენა მზარეულებისა და კოსმეტოლოგებისთვის დიდი შვება იქნება. ახლა უკვე შესაძლებელია უმაღლესი სიზუსტით აწონა საჭირო პროდუქტის.
ლაზერული დანა, ლამის დარტ ვეიდერის ხმლის მსგავსი
ტოსტერი უკვე აღარაა საჭირო! თავი იგრძენით დარტ ვეიდერად, მოიმზადეთ საუზმე!
ფანრიანი ჩუსტები
ამ საყვარელი ჩუსტებით უკუნ სიბნელეშიც კი ნებისმიერ რამეს მოძებნით და ყოველგვარი ექსცესის გარეშე გაიგნებთ გზას.
სარეცხი მანქანა დავიწყებული ნივთების ჩასაყრელი განყოფილებით
საოცარი გამოგონებაა მათთვის, ვინც მანქანის ჩართვის შემდეგ მუდმივად პოულობს დარჩენილ ჭუჭყიან წინდებს. დაწყებული რეცხვისას ნივთის ჩამატება - განა, გენიალური არ არის?
კაპიუშონიანი ზურგჩანთა
ქუდი დაგავიწყდათ? მერე რა მოხდა. ეს კაპიუშონი ძალიან მოხერხებულად იკეცება ზურგჩანთაში და ამინდის ჭირვეულობა უკვე ვეღარაფერს დაგაკლებთ!
როზეტში მოთავსებული გამაგრძელებელი
აღარ არის საჭირო გამაგრძელებლის ძებნა და მისი ჩართვა! ის ყველგან მისწვდება. თანაც მოსახერხებელი, ესთეტიკური და პრაქტიკულია!
მინამწმენდი სარკისთვის
აბაზანაში ის შეუცვლელია ცხელი შხაპის ყოველი მიღებისას.
სავარცხელი სპეციალური ჩასაფენით
ამ ჩასაფენის დახმარებით ძალიან იოლად შეიძლება სავარცხლის თმებისგან გასუფთავება. უბრალოდ, ამოიღეთ საფენი და მორჩა!