1. მის გვერდით თავს კომფორტულად უნდა გრძნობდეთ - ეს ერთადერთი და აუცილებელი პირობაა იმისთვის, რომ მოდუნდეთ და ემოციებს მიეცეთ. ნუ მოგერიდებათ ნურც საკუთარი თავის, ნურც პარტნიორის, არც პროცესია მოსარიდებელი. თუკი ეჭვი გეპარებათ, ნამდვილად გინდათ თუ არა მასთან სექსუალური კავშირი, ამგვარი სექსუალური ურთიერთობა დასამახსოვრებელი ვერ იქნება. საერთოდ, არასდროს დაკავდეთ სექსით, როდესაც ამის სურვილი არ გაქვთ. ნუ დაელოდებით, რომ კაცი ამას მიგიხვდებათ. მით უმეტეს, თუკი ის უკვე აღგზნებულია, საეჭვოა, შენიშნოს, რომ სექსისთვის საჭირო განწყობა არ გაქვთ.
ამიტომ, სანამ სასიყვარულო აქტით დაკავდებით, დარწმუნდით, რომ ზუსტად იმ კაცის გვერდით ხართ, ვინც თქვენ მიმართ გულგრილი არ არის და ვინც გაფასებთ. დიახ, ვერ ვიტყვით, რომ ეს ყველაზე მნიშვნელოვანი დეტალია სექსში, მაგრამ დამეთანხმეთ, მნიშვნელოვანი ასპექტი იმისთვის ნამდვილად არის, რომ რჩეულის გვერდით თავი კომფორტულად და უსაფრთხოდ ვიგრძნოთ.
2. გააცნობიერეთ, რომ ეს უბრალოდ სექსი არ არის. ეს უფრო ღრმა კავშირია. სექსსა და სასიყვარულო ურთიერთობას შორის უდიდესი განსხვავებაა. პირველ შემთხვევაში მხოლოდ ვნება და ლტოლვაა. აი, მეორე შემთხვევაში კი კაცთან არა მხოლოდ ფიზიკურად ხართ ახლოს, არამედ ემოციურადაც.
სასიყვარულო ურთიერთობა - ეს კიდევ ერთი საშუალებაა იმის დასამტკიცებლად, რომ პარტნიორი თქვენ მიმართ გულგრილი არ არის. ამიტომ კონცენტრირდით როგორც საკუთარ, ისე მის შეგრძნებებზე. ნუ იფიქრებთ, როდის დასრულდება სექსუალური აქტი მისი საბოლოო მიზნით - ორგაზმით. დაკავდით სიყვარულით - ეს არ არის უბრალოდ სქესობრივი კავშირი. ამ დროს უფრო მეტი სიყვარული უნდა იგრძნოთ და აგრძნობინოთ.
3. კონტაქტი კანი კანზე - ეს მთავარია ინტიმურობისთვის. პარადოქსულია, მაგრამ სწორედ შეხების შედეგად იქმნება ფიზიკური, ემოციური და ფსიქოლოგიური კავშირი. იდეალურ შემთხვევაში, სხეულების მაქსიმალური კონტაქტი იქმნება ისეთი პოზების დროს, როგორიცაა მისიონერული და კოვზის პოზები. ამ დროს არ დაგავიწყდეთ ხელების გააქტიურებაც და ერთმანეთზე შემოხვევა.
4. კოცნა - კავშირს აძლიერებს. არა სტანდარტული ან ძალიან ვნებიანი, არამედ ძლიერი და ნაზი ერთდროულად.
5. უთხარით მას, რას გრძნობთ. ისაუბრეთ არა ფიზიკურ შეგრძნებებზე, არამედ იმაზე, რას გრძნობთ ემოციურად მასთან სექსის დროს. ეს რჩევა აქტუალურია იმ წყვილებისთვის, რომელთაც ხანგრძლივი ურთიერთობა აქვთ. თუკი კაცზე, რომელთანაც ურთიერთობა ახალი დაწყებული გაქვთ, შთაბეჭდილების მოხდენა გსურთ, ამ პუნქტისგან უმჯობესია, დროებით თავი შეიკავოთ.