ეს ფოტო 1996 წელს ამერიკელმა ჩარლზ ო’რირმა (Charles O’Rear) კალიფორნიის შტატის მეღვინეობის რეგიონში, სონომაში გადაიღო. სონომას მთვარის ველსაც ეძახიან და ის სან-ფრანცისკოში, წყნარი ოკეანის ყურეში მდებარეობს.
რა თანხა გადაიხადა Microsoft-მა ამ ფოტოში, არ საჯაროვდება. ჩარლზი კი ამბობს, რომ მისი ღირებულება „მეტისმეტად“ მაღალი იყო და პირველობას მხოლოდ ბილ კლინტონისა და მონიკა ლევინსკის ფოტოს უთმობს, სადაც ისინი ჩახუტებულები არიან.
ჩარლს ო’რირი 25 წელი მუშაობდა ფოტოგრაფად National Geographic-ში. მთელი მსოფლიო აქვს შემოვლილი, ცხრა წიგნი გამოცემული და ათასობით ფოტო გადაღებული. და მხოლოდ შემთხვევითმა კადრმა აქცია ის ცნობილ ადამიანად.
