10 რამ, რაც ზრდასრულ ქალს არ ანაღვლებს!

საკნატუნო ამბები

6 დეკემბერი 14:00, 2018 წელი

ასაკი აქ არაფერ შუაშია - საუბარია ფსიქოლოგიურ სიმწიფეზე, როცა შეგიძლია, ცხოვრება მიიღო ისეთად, როგორიც სინამდვილეშია და თავდაჯერებულად გაუსწორო თვალი რეალობას...

1. არ განაღვლებთ გარშემომყოფთა აზრი

შეიძლება ადრე ძალიან განიცდიდით, რას იტყოდა თქვენზე ხალხი, მაგრამ ახლა აბსოლუტურად სულერთია, რას ფიქრობს თქვენს ახალ კაბასა და ჩანთაზე გამყიდველი ზოია დეიდა. თავადაც კარგად იცით, რომ ეს ტანსაცმელი გიხდებათ და მოგწონთ კიდეც. და სანამ რამეს იტყვით, ათასჯერ არ წონით სათქმელს. საკუთარ თავში დარწმუნებული ხართ.

2. და არ განაღვლებთ პოპულარობა

პოპულარობაზე პატარა გოგოები და უფროსი კლასების მოსწავლეები ფიქრობენ. და რა საჭიროა ის დიდობაში? თავი მოაწონო ადამიანებს იმის გამო, რომ ყველას უყვარდე და ყველგან გეძახდნენ? მოწიფული ქალი ამით თავს არ დაიტანჯავს.

3. არ გაინტერესებთ, როგორაა თქვენი ყოფილი

ყოფილის ფეისბუკგვერდი ამონიტორინგო და საერთო მეგობრების წრეში დაინტერესდე, როგორ აქვს მას საქმეები? საკუთარი თავის მოყვარული და პატივისმცემელი ქალი ამაზე დროს არ დაკარგავს, რადგან კარგად ესმის, რომ ახლა მას თავისი ცხოვრება აქვს, სავსე და საინტერესო.

4. სულ გკიდიათ საზოგადოების აზრი იდეალური სხეულის შესახებ

შეიძლება ადრე სულ სარკეში იყურებოდით და მუდმივად რაღაც ნაკლს ეძებდით საკუთარ გარეგნონაში - ეს ადგილი ცოტა დასაჭიმია, ფეხები არასაკმარისად გრძელია, არც პრესია ქვასავით, ტაკო კი ქიშმიშს უფრო ჰგავს, ვიდრე თხილს. მაგრამ უკვე გაიზარდეთ და იცით, რომ საკუთარი სხეული უნდა გიყვარდეთ. ეს კი ნიშნავს, რომ მასზე უნდა იზრუნოთ - სპორტდარბაზში იაროთ, სწორად იკვებოთ და არავითარ შემთხვევაში არ გამოეკიდოთ იმას, რაც საზოგადოებამ იდეალურად აღიარა.

5. არ განაღვლებთ, გყავთ თუ არა პარტნიორი

„ჯერ კიდევ არ გათხოვილხარ?“ „დრო მიდის, ბავშვები კი არ გყავს!“ „შინაბერად დარჩები, და მერე ვინღა გითხოვს?“ კიდევ რა ფრაზებით გიჭედენ ყურებს მზრუნველი „დაქალები“ და ნათესავები? ერთი ჭკვიანი ადამიანი ამბობდა, რომ მეორე ნახევარი სჭირდება მხოლოდ მეხუთე ელემენტს, ქალი კი თავადაა ერთი მთლიანი. და ასეთიც უნდა იყოს საკუთარი თავის პატივისმცემელი ქალი: მიზანდასახული როგორც ურთიერთობაში, ისე მის გარეშეც.

6. და არც ის, ეწყინება თუ არა ვინმეს მწარე სიმართლე

რა საჭიროა ტკბილი ტყუილი მწარე სიმართლის ნაცვლად? თანაც მუდმივად თავის მართლება? ოღონდ ეს სათქმელის პირში მიხლასა და ბანალურ თავხედობაში არ აგერიოთ.

7. არ გაღელვებთ ჭორები

საკუთარი თავის პატივისცემა იმასაც ნიშნავს, რომ არ გაავრცელოთ ჭორები. პიროვნულად შემდგარი ქალბატონი კოლეგებთან არ დაიწყებს იმის „განხილვას“, რომ ბუღალტერი ლენა ქმარს ღალატობს, ან უფროსი მდივანთან წევს. ეს თქვენს ღირსებას არ შეეფერება.

8. და არც ის, რომ ყოველთვის მართალი უნდა იყოთ

თუ თქვენ ფსიქოლოგიურად მოწიფული ხართ, არ გიჭირთ ბოდიშის მოხდა. რა თქმა უნდა, თუ მართლაც არ იყავით მართალი. ის, რომ ქალს შეცდომის აღიარება შეუძლია, ეს მას ბევრად ჭკვიანს წარმოაჩენს და მასთან ურთიერთობაც გაცილებით იოლია.

9. არ გაღელვებენ გაცოფებული ადამიანები

თქვენი პროვოცირება ახლა არც ისე მარტივია, როგორც ადრე იყო. კარგად გესმით, რომ ენერგიისა და ემოციის იმაზე დახარჯვა, რაც შეიძლება ერთ კვირაში დაგავიწყდეთ, სისულელეა. მით უმეტეს, რომ ადამიანები განსხვავებულები ვართ და არავინაა ვალდებული, ისე მოიქცეს, როგორც თქვენ გსურთ.

10. და სოციალური სტერეოტიპები

ვინ თქვა, რომ აუცილებლად ყველას უნდა ჰქონდეს „აიფონი“, უცხოური მანქანა და ბინა ქალაქის ცენტრში? იქნებ თქვენ ფარნიანი „ნოკია“ და ბუნებაში ცხოვრება გირჩევნიათ, სამსახურში კი ავტობუსით სიარული მოგწონთ. თუ თქვენ შემდგარი, საკუთარი თავის მოყვარული ქალბატონი ბრძანდებით, თავად გადაწყვეტთ, როგორ იცხოვროთ და სხვებს არ შეეჯიბრებით.

დღის ჰოროსკოპი

20 თებერვლის ასტროლოგიური პროგნოზი

რას გვირჩევენ ვარსკვლავები 20 თებერვლისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

„ქალები დილის 10 საათამდე“

სენსაციური ფოტოპროექტი, რომელიც ქალის ნამდვილ სილამაზეს ეძღვნება და რომელმაც ფრანგ ფოტოგრაფს ვერონიკა ვიალს საოცარი პოპულარობა მოუტანა. 
საკნატუნო ამბები

5 შემთხვევა, როდესაც სექსი არ ღირს

ექსპერტებმა დაადგინეს 5 მიზეზი, რომელთა მიხედვითაც ქალებმა უმჯობესია, სექსზე უარი თქვან.
დღის ჰოროსკოპი

19 თებერვლის ასტროლოგიური პროგნოზი

რას გვირჩევენ ვარსკვლავები 19 თებერვლისთვის ჯანმრთელობის, ბიზნესისა და სიყვარულის მიმართულებით?
ამბები

„ამ კომპანიაში არ არის აუცილებელი, იყო ვიღაცის ნათესავი, მთავარია, იშრომო შენი მიზნისთვის“

23 წლის ანანო სოხაძე დღეს სადაზღვევო კომპანია „ჯიპიაი ჰოლდინგის“ საცალო გაყიდვების სპეციალისტია. ამ სფეროში ის  დასაქმების ფორუმის მეშვეობით მოხვდა. ანანო თავად მოგვიყვება, რა ეტაპები გაიარა კომპანიაში მოხვედრამდე.
FUN-ტესტი

აირჩიეთ ზედმეტი ფიგურა

ეს უჩვეულო ტესტი დაგეხმარებათ, საკუთარი ხასიათის იდუმალი მხარეები გახსნათ...
საკნატუნო ამბები

როგორ უკავშირდება სექსის სურვილი ხორცის ჭამის სურვილს?

„კაცებს, რომლებიც სიამოვნებით კავდებიან სექსით, უფრო მეტად უყვართ ხორცი“. მართალია, გრილის მწარმოებელი სარეკლამო სლოგანივით ჟღერს, თუმცა, ავსტრალიელმა მეცნიერებმა აღმოაჩინეს კავშირი სექსსა და ხორცის ჭამის სურვილს შორის.
დღის ჰოროსკოპი

18 თებერვლის ასტროლოგიური პროგნოზი

რას გვირჩევენ ვარსკვლავები 18 თებერვლისთვის ჯანმრთელობის, ბიზნესისა და სიყვარულის მიმართულებით?
კულინარია

ქათმის ფილე რძეში

თუ აქცენტს ჯანსაღ კვებაზე აკეთებთ და არა დიეტებზე, რძეში მოხარშული ქათმის ფილე აუცილებლად დააგემოვნეთ.
დღის ჰოროსკოპი

17 თებერვლის ასტროლოგიური პროგნოზი

რას გვირჩევენ ვარსკვლავები 17 თებერვლისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

1980-90-იანი წლები - ქალის სხეული სილიკონის გარეშეც ულამაზესია

ეს იყო პერიოდი, როცა ვარსკვლავები ასე მასობრივად არ იყვნენ გატაცებულნი პლასტიკური ქირურგიით. ნახეთ, როგორ გამოიყურებოდნენ...