ვიღაცას - რამდენიმე ორგაზმი, ვიღაცას - მხოლოდ ერთი. ბევრი, ალბათ, არც დაფიქრებულა, რომელი სახეობის ორგაზმი განიცადა მორიგი სექსუალური აქტის დროს და არც ის იცის, რომ ფიზიოლოგიური ორგაზმის სამი სახეობა ოფიციალურად აღიარეს.
კლიტორული - ეს არის ორგაზმი, რომელსაც ქალი კლიტორის სტიმულაციის შედეგად იღებს. მიიჩნევა, რომ კლიტორული ორგაზმი გაცილებით სასიამოვნოა, თუმცა, ორგაზმის სხვა სახეობებთან შედარებით ის ხანმოკლეა. თუკი ქალს შეუძლია კლიტორული ორგაზმი განიცადოს სექსუალური აქტის გარეშე (ამისთვის საჭიროა მხოლოდ კლიტორის სტიმულაცია), ორგაზმის შემდეგი სახეობა, ვაგინალური ორგაზმი, სექსუალური აქტის გარეშე შეუძლებელია, რადგან ამისთვის აუცილებელია პენისის საშოში შეღწევა. ბევრი ქალი დარწმუნებულია, რომ საშოში უამრავი რეცეპტორია და ვაგინალური ორგაზმი სწორედ ამ რეცეპტორების დახმარებით მიიღწევა, თუმცა, ვაგინალური ორგაზმი დიდწლიად დამოკიდებულია G წერტილზე. სექსოლოგები მიიჩნევენ, რომ ვაგინალური ორგაზმი კლიტორულთან შედარებით უფრო ხანგრძლივია და უფრო სრულყოფილად ადუნებს სხეულს.
ორგაზმის მესამე სახეობა, ეს არის - საშვილოსნოს ორგაზმი. ზოგიერთი ქალი ორგაზმის ამ სახეობას მაშინ განიცდის, როდესაც პარტნიორის სასქესო ორგანო საშვილოსნომდე აღწევს.
სექსოლოგები, ასევე, გამოყოფენ ორგაზმის ცალკეულ სახეობას - მიოტონურ ორგაზმს, რომელსაც ქალი ბაყვებზე ძლიერი ზეწოლის შედეგად განიცდის, რაც საკმაოდ მოუხერხებელია, რადგან სექსუალური აქტის დროს ქალი იძულებულია მოძებნოს პოზა, რომელშიც ორგაზმამდე მივა. ზოგიერთი ქალი იმასაც აღიარებს, რომ მიოტონურ ორგაზმს სატრენაჟორო დარბაზში ვარჯიშის დროს განიცდის, ბაყვების დატვირთვის დროს.
ქალს შეუძლია, ყველა სახის ორგაზმი განიცადოს, თუმცა, კვლევები ამის შესახებ არ არსებობს. რადგან, სპეციალისტების განმარტებით, შეუძლებელია, ისაუბრო და ამტკიცო, რომელ ორგაზმს უფრო ხშირად განიცდის ქალი, ვაგინალურს თუ კლიტორულს, ეს უამრავ ფაქტორზეა დამოკიდებული: ქალის ორგანიზმზე, მისი სექსუალური განვითარების სპეციფიკაზე, ქცევაზე, მის მგრძნობელობაზე და იმაზეც, რა ასაკში დაიწყო მან სექსუალური ცხოვრება და რა პირობებში განიცადა პირველი ორგაზმი, როგორ მოქმედებს მასზე სტიმულაცია. თუმცა, ერთი ფაქტი უდავოა და ეს მეცნიერებმა უკვე დიდი ხნის წინ დაამტკიცეს: რეგულარული სექსი ორგანიზმს აჯანმრთელებს, ხსნის სტრესს და ამცირებს ტკივილის შეგრძნებებს, რაც ენდორფინების დამსახურებაა, რომელსაც ორგანიზმი სექსუალური აქტის შემდეგ გამოიმუშავებს.
