1826 - პირველი და უძველესი ფოტო
ფრანგი ფოტოგრაფის ჯოზეფ ნეპსის ფოტოს ჰქვია: „ხედი ფანჯრიდან ლე გრასზე“. და ის ბოლო წლებში ტეხასის უნივერსიტეტში იყო გამოფენილი.
1838 - პირველი ფოტო, სადაც ადამიანი ჩანს
ლუი დეგარმა ადამიანის პირველი ფოტო 1838 წელს გადაიღო. ფოტოზე გამოსახულია ქალაქის ქუჩა, რომლის მარცხენა ქვედა კუთხეშიც ადამიანი ჩანს (გადიდების შემთხვევაში)
1858 - პირველი ფოტომონტაჟი
1858 წელს პიჩ რობინსონმა შექმნა პირველი ფოტოკოლაჟი, რამდენიმე ნეგატივის ერთ გამოსახულებაში გაერთიანებით.
ეს კომბინირებული ფოტო Fading Away-ს სახელითაა ცნობილი და ის 5 ნეგატივისგან შედგება. გამოსახულია გოგონას გარდაცვალება ტუბერკულოზით. ამ ნამუშევარმა დიდი კამათი გამოიწვია.
1861 - პირველი ფერადი ფოტო
პირველი ფერადი ფოტოს ავტორია ჯეიმს კლერკ მაქსველი, შოტლანდიელი მათემატიკოსი და ფიზიკოსი. ამ პროცესში გამოყენებული ფოტოფირფიტები ახლა ინახება სახლში, სადაც მაქსველი დაიბადა (ახლა იქ მუზეუმია).
1875 - პირველი ავტოპორტრეტი
ცნობილი ამერიკელი ფოტოგრაფი მეთიუ ბრედი პირველი იყო, ვინც საკუთარი ფოტო გადაიღო, ანუ ავტოპორტრეტი.
1903 - ზემოდან გადაღებული პირველი ფოტოები
პირველი საჰაერო „ფოტოგრაფები“ ჩიტები იყვნენ. 1903 წელს იულიუს ნოიბრონერმა ფოტოკამერა და ტაიმერი მტრედს მიამაგრა და ფოტოები ციდან გადაიღო. ეს აღმოჩენა გერმანელებმა სამხედრო დაზვერვისთვის გამოიყენეს.
1926 - პირველი ფერადი წყალქვეშა ფოტო
პირველი ფერადი წყალქვეშა ფოტო მექსიკის ყურეში დოქტორმა იულიამ ლონგლიმ და National Geographic-ის შტატიანმა ფოტოგრაფმა ჩარლზ მარტინმა 1926 წელს გადაიღეს.
1946 - კოსმოსიდან გადაღებული პირველი ფოტო
1946 წლის 24 ოქტომბერს რაკეტაზე მიმაგრებულმა 35-მილიმეტრიანმა კამერამ დედამიწიდან 105 კმ-ის მანძილზე გადაიღო ფოტო.
1972 - მთლიანად განათებული დედამიწის პირველი ფოტო
პირველი ფოტო, რომელზეც განათებული დედამიწაა გამოსახული, ცნობილია, როგორც The Blue Marble („ცისფერი ბურთი“). ეს ფოტო კოსმოსური ხომალდის „აპოლონ 17“-ის ეკიპაჟმა 1972 წლის 7 დეკემბერს გადაიღო.