2018 წლის მთავარი სკანდალები

საკნატუნო ამბები

27 დეკემბერი 14:00, 2018 წელი

მოდი, თვალი გადავავლოთ 2018 წლის მთავარ მოვლენებსა და სკანდალებს სელებრითების ცხოვრებაში...

კაილი ჯენერის საიდუმლო ორსულობა



2017 წლის სექტემბერში ერთ-ერთმა ცნობილმა გამოცემამ დაწერა, რომ კაილი ჯენერი „ბოიფრენდისგან“, ტრევის სკოტისგან შვილს ელოდებოდა. მაგრამ არც კაილიმ, არც ტრევისმა და არც კარდაშიანების ოჯახის არცერთმა წევრმა ეს ინფორმაცია არ დაადასტურა. ყველაფერი კი 2018 წლის თებერვალში გაცხადდა, როცა ჯენერმა გოგონა გააჩინა და გამოაქვეყნა ვიდეო, სადაც მისი ფეხმძიმობის მიმდინარეობა იყო ასახული.


 


კიმ კეტროლისა და სარა-ჯესიკა პარკერის დაპირისპირება



ეს სკანდალი ჯერ კიდევ 2017 წლის სექტემბერში დაიწყო. მაშინ პარკერმა, კერი ბრედშოუს როლის შემსრულებელმა, გამოაცხადა, რომ ფილმის გაგრძელებას აღარ გადაიღებდნენ. ჭორებს თუ დავუჯერებთ, ამის მიზეზი კეტროლის უარი გახდა. კიმმა, სამანტა ჯონსის როლის შემსრულებელმა, განაცხადა, რომ ყველაფრის თავი და თავი სარა იყო, რომელსაც შეეძლო, „ცოტა უფრო კორექტული“ ყოფილიყო ამ ინფორმაციის გავრცელებისას. და საერთოდაც, ისინი „არასოდეს ყოფილან დაქალები“.


ახალი ძალით ამ სკანდალმა 2018 წლის თებერვალში იფეთქა. სარა-ჯესიკა პარკერმა კიმ კეტროლის პოსტი დააკომენტირა ინსტაგრამზე, რომელიც კიმის ძმის გარდაცვალებას ეძღვნებოდა. კეტროლის მხრიდან ამას ბრალდებების კორიანტელი მოჰყვა: „დღეს დედამ მკითხა: „როდის უნდა დაგანებოს თავი ამ ფარისეველმა პარკერმა?“. შენი სურვილი, გააგრძელო ურთიერთობა - მტკივნეული მოგონებაა იმისა, როგორი დაუნდობელი იყავი ადრე და რჩები ახლაც. მინდა, პირდაპირ გითხრა (თუ კიდევ ვერ გაიგე): შენ არც ჩემი ოჯახი ხარ და არც მეგობარი. ამიტომაც გწერ უკანასკნელად: საკმარისია ჩვენი ტრაგედიით ექსპლუატირება სამყაროსთვის იმის საჩვენებლად, რომ შენ „კარგი გოგო ხარ“. მე არ მჭირდება შენი სიყვარული თუ თანაგრძნობა ამ მძიმე წუთებში“.


ფეხმძიმე ქლოე კარდაშიანს „ბოიფრენდმა“ უღალატა



და ისევ კარდაშიანების ოჯახი. ამჯერად, არც ისე სასიამოვნო ამბით. ქლოე კარდაშიანმა ტრისტან ტომპსონის ღალატის შესახებ მაშინ შეიტყო, როცა მისგან ფეხმძიმედ იყო. ეს ინფორმაცია 2018 წლის აპრილში გავრცელდა. ჟურნალისტებმა გამოაქვეყნეს ვიდეო, სადაც НБА-ს ვარსკვლავს ორი ქალი კოცნის. ამ სკანდალიდან ორ დღეში ქლოემ გოგონა გააჩინა, რომელსაც, სპეციალურად თუ შემთხვევით, „Truth“ დაარქვა, რაც ინგლისურიდან ითარგმნება, როგორც „სიმართლე“. ფანატები მოუთმენლად ელოდნენ წყვილის დაშორებას, მაგრამ ქლოემ გადაწყვიტა, მოღალატისთვის ეპატიებინა და ოჯახის შექმნა ეცადა.


 


მეგან მარკლის მამასთან დაკავშირებული სკანდალი



2018 წლის მთავარი მოვლენა მეგან მარკლისა და პრინც ჰარის ქორწინება იყო. თუმცა ასეთი გრანდიოზული მასშტაბის მოვლენაც ვერ გადარჩა კაზუსების გარეშე. ერთ-ერთი ასეთი მეგან მარკლის მამასთან იყო დაკავშირებული. პრესაში გამოჩნდა მამაკაცის ფოტოები, სადაც ის ყურადღებით ეცნობა ინფორმაციებს დიდი ბრიტანეთის შესახებ, თუმცა მოგვიანებით გამჟღავნდა, რომ ტომას მარკლი უბრალოდ პოზირებდა და ყველა ფოტო დადგმული იყო. თანაც დადიოდა ხმები, რომ მან ამაში ფული აიღო. მეორე სკანდალი პირდაპირ ცერემონიალის დაწყებამდე მოხდა. ბოლო მომენტამდე ელოდნენ, რომ ტომასი ქალიშვილს საკურთხეველთან მიაცილებდა, მაგრამ მან ავადმყოფობა მოიმიზეზა და ქორწილს არ დაესწრო - მამის როლი პრინცმა ჩარლზმა შეასრულა.


არიანა გრანდეს ნიშნობა



2018 წლის ივნისში, როცა მედიაში არიანას ნიშნობის შესახებ დაიწერა, მისი ფანატები შოკში ჩავარდნენ. მომღერლის რჩეული ტელეწამყვანი პიტ დევიდსონი აღმოჩნდა. ნაცნობობიდან, სულ რაღაც, ერთ თვეში მან შეყვარებულს ნიშნობის ბეჭედი გაუკეთა. შემდეგ იყო სიყვარულის ახსნები, საერთო ფოტოები და ერთნაირი ტატუები. მისმა ფანატებმა უკვე წარმოიდგინეს, როგორ მიდიოდა გრანდე საკურთხევლისკენ საქორწინო კაბაში... და სულ ტყუილად, ეს ოცნებები მალევე დაიმსხვრა - შეყვარებულებმა ნიშნობა ჩაშალეს და დაშორდნენ. ახალ სიმღერაში „Thank U, Next“ არიანა მადლობას უხდის ყველა ყოფილს და მათ შორის დევიდსონსაც. თუმცა რა იცი, შეიძლება, მათ ყველაფერი ჯერ კიდევ წინ აქვთ.


ნიკი მინაჟისა და Cardi В-ს ჩხუბი



რეპერები არც მანამდე ყოფილად საუკეთესო დაქალები, მაგრამ 2018-ში მათი მტრობა ახალ დონეზე გადავიდა და ლამის ხელით შეხებამდეც კი მივიდა. შეკამათება Harper’s Bazaar-ს წვეულებაზე მოხდა, ნიუ-იორკის მოდის კვირეულის ფარგლებში, რომელზეც ორივე იყო მიწვეული. მოარული ხმებით, კარდი პირველი დაესხა თავს ნიკი მინაჟს იმის გამო, რომ ამ უკანასკნელმა მისი დედობა გააკრიტიკა და არც ისე სასიამოვნოდ მოიხსენია პატარა კალჩერი. თვითმხილველები ჰყვებოდნენ, რომ რეპერმა ფეხსაცმელი გაიხადა და მინაჟს ესროლა. თუმცა არც ნიკი ჩამორჩა და ხურდა დაუბრუნა, რაზეც ძალიან ხატოვნად მეტყველებს ის ფაქტი, რომ ღონისძიების შემდეგ Cardi В შუბლზე უზარმაზარი კოპით წავიდა სახლში.

ამბები

რა გამონაკლისი დაუშვა Black Eyed Peas-მა საქართველოში ? - ბენდის გრანდიოზული შოუ შავი ზღვის არენაზე (ფოტოები)

6 „გრემის“ მფლობელი ამერიკული ჯგუფი „ბლექ აიდ ფისი“ საქართველოს ეწვია.
საკნატუნო ამბები

„კაუჩუკის გოგონები“ - ისინი საოცრებებს სჩადიან!

ადამიანის ფიზიკურ შესაძლებლობებს საზღვარი არ აქვს. ამ გოგონებს ათასნაირად შეუძლიათ პლასტილინივით სხეულის დაკეცვა! ამას ენით ვერ აღვწერთ, ეს უნდა ნახოთ!
ამბები

სკოლებში ძალადობის შემთხვევების შესამცირებლად ილიას სამართლის ინსტიტუტი ხელისუფლებას მიმართავს

საქარველოს სკოლებში გახშირებული ძალადობის შემთხვევების შესამცირებლად და ბულინგზე ადეკვატური რეაგირების მიზნით ილიას სამართლის ინსტიტუტი (ილიასი) საკანონმდებლო და აღმასრულებელ ხელისუფლებას მიმართავს.
საკნატუნო ამბები

(+18) ახალი სექსუალური ეთიკა: პენისის ზომა თუ ნიჭი?

პენისის ზომას არ აქვს მნიშვნელობა... თუ ზომა მაინც მნიშვნელოვანია? ერთად გავერკვეთ.     
დღის ჰოროსკოპი

18 ივნისის ასტროლოგიური პროგნოზი

რას გვირჩევენ ვარსკვლავები 18 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

ბედნიერებას ფულით ვერ იყიდი - უბედური მდიდრები

არა აქვს მნიშვნელობა, მილიარდერი ბიზნესმენი ხარ, მსოფლიო პოლიტიკოსი თუ პლანეტის გამორჩეული ვარსკვლავი, სულიერი ტკივილის წინაშე ყველა უძლურია, ყველაფერი აზრს კარგავს... რჩება მხოლოდ აუტანელი სიცარიელე, რომელიც არასდროს არაფრით შეივსება...
დღის ჰოროსკოპი

17 ივნისის ასტროლოგიური პროგნოზი

რას გვირჩევენ ვარსკვლავები 17 ივნისისთვის ჯანმრთელობის, ბიზნესისა და სიყვარულის მიმართულებით?
კულინარია

კატლეტი კომბოსტოთი - გემრიელი და ნაკლებკალორიული

ეს კატლეტი იმასაც მოეწონება, ვინც ფიგურას უფრთხილდება.
დღის ჰოროსკოპი

16 ივნისის ასტროლოგიური პროგნოზი

რას გვირჩევენ ვარსკვლავები 16 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

არასტანდარტული აზროვნებით „გამორჩეულები“

ალბათ თქვენც დაგვეთანხმებით, რომ არასტანდარტული აზროვნება და კრეატიულობა სულ სხვა რამაა და არა ის, რაც ამ ფოტოებზეა... 
ამბები

როგორ შევქმნათ ბიზნესმოდელი ანუ როგორ ვმართოთ კომპანია

ინტერვიუ „ჯეპრას“ კონსულტანტ მანჩო ონიაშვილთან.
დღის ჰოროსკოპი

15 ივნისის ასტროლოგიური პროგნოზი

რას გვირჩევენ ვარსკვლავები 15 ივნისისთვის ჯანმრთელობის, ბიზნესისა და სიყვარულის მიმართულებით?