ჯენიფერ ენისტონი და ჯასტინ ტერუ
2015 წელს დაქორწინდნენ
აი, ამას ჰქვია „არასოდეს მიმართლებს“... ენისტონის პირველი ქორწინება საუკუნის სკანდალით დასრულდა, როცა ბრედ პიტი მისგან წავიდა და ანჯელინა ჯოლი მოიყვანა ცოლად. მსახიობის მეორე ქორწინება ორი წელი გაგრძელდა. ირონია ისაა, რომ ენისტონისა და ტერუს ქორწინება ორჯერ უფრო ხანმოკლე აღმოჩნდა, ვიდრე მათი ნიშნობა.
ჯენიფერ გარნერი და ბენ აფლეკი
2005 წელს დაქორწინდნენ
რატომ მოხვდა ეს წყვილი ამ ჩამონათვალში? საქმე ისაა, რომ გაყრის 3-წლიანი პროცესის შემდეგ ისინი ოფიციალურად დაშორდნენ. განქორწინების იურიდიულად გაფორმება იმის გამო გაჯანჯლდა, რომ მხარეები სამი ბავშვის მეურვეობაზე ვერ თანხმდებოდნენ. მსახიობების სასახელოდ უნდა ითქვას, რომ ისინი არ ითხოვდნენ ერთმანეთისთვის მშობლის უფლების ჩამორთმევას, პირიქით, დაწვრილებით (და მშვიდობიანად) აღწერდნენ თავიანთ ვალდებულებებს ორ ქალიშვილთან და ვაჟთან ურთიერთობაში.
ჩენინგ ტატუმი და ჯენა დევანი
2009 წელს დაქორწინდნენ
ჰოლივუდის კლასიკა: „ჩვენ ძველებურად გვიყვარს ერთმანეთი, მაგრამ სიყვარული - ეს ულამაზესი თავგადასავალია, რომელსაც ორივე სხვადასხვა გზით მივყავართ, - ეწერა მსახიობების ოფიციალურ განცხადებაში განქორწინების შესახებ, - ჩვენ არ გვიჩხუბია, უბრალოდ, ორმა კარგმა მეგობარმა გადაწყვიტა, ერთმანეთს დაეხმაროს, თითოეულმა ბედნიერი და სავსე ცხოვრებით რომ იცხოვროს. ჩვენ სამუდამოდ დავრჩებით ჩვენი ქალიშვილის - ევერლის ერთგულ და მოსიყვარულე მშობლებად“.
