2019 წლის მფარველი ყვითელი მიწის ღორია - ძლიერი და მიზანმიმართული ცხოველი. მას უყვარს სიცხადე და პრაქტიკულობა. ამიტომაც ტანსაცმელი გონივრულად შეარჩიეთ.
2019 წლის მთავარი ფერებია: წითელი, ოქროსფერი, ზურმუხტისფერი, ნარინჯისფერი. თუ თქვენ მზის 50 ელფერი არ მოგწონთ, გოჭუნა, ალტერნატივის სახით, ცოტა მოკრძალებულ ფერებსაც გთავაზობთ: ქვიშისფერი, გრაფიტისფერი, ტერაკოტა, სპილენძისფერი.
რაც შეეხება ქსოვილს, მომავალი წლიდან მოდაში შემოდის: აბრეშუმი, ატლასი, ხავერდი და ბუმბულით გაწყობილი ქსოვილი. ღორს უყვარს კომფორტი და მყუდრო გარემო. ამ აზარტულ ცხოველს არ ეზარება ექსპერიმენტები და არ ეშინია ფერებისა და ფორმების შერწყმის. კარგი იქნება, უარი თქვათ ვიწრო ქვედაბოლოებსა და შარვლებზე. უპირატესობა მიანიჭეთ თავისუფალ სტილს, ასიმეტრიულ ბლუზებს მოშიშვლებული მხრებით. ღორი ცნობილი მფლანგველია და არ ღირს საახალწლო ჩაცმულობაზე ეკონომიის გაკეთება. საახალწლო ლუქი გასაოცარი და დასამახსოვრებელი უნდა იყოს. ამაში კი აქსესუარები დაგეხმარებათ.
საახალწლო ჩაცმულობას ძალიან მოუხდება ოქროსფერი ან რამე ნატურალური სამკაული. აირჩიეთ ხის მასალისგან გაკეთებული ყელსაბამები ან მარგალიტის მძივები.
ქალებისთვის იდეალური იქნება თავისუფალი სტილის გრძელი კაბა. უმჯობესია, კაბა წითელი, ოქროსფერი ან ყავისფერი იყოს. არც ნაზი თეთრი დაგავიწყდეთ. ეს ფერი ისედაც მდიდრულად გამოიყურება. მისი შევსება წითლისა და ოქროსფერის ნათელი აქცენტებით შეიძლება. თავისუფლად შეგიძლიათ, აირჩიოთ კაბა მოშიშვლებული მხრებითა და ზურგით. ღრმა დეკოლტეც არ იქნებოდა ურიგო. თუ ძალიან კაშკაშა ფერები არ მოგწონთ, ჩაიცვით მოკრძალებული მეტალიკის ან რძისფერ ტონებში. აი, ცხოველის პრინტიან ქსოვილზე კი უარი თქვით. გახსოვდეთ, რომ მომავალი წლის მთავარი ცხოველი ყვითელი მიწის ღორია და მას კონკურენტები არ უყვარს!
მამაკაცი თავისი ჩაცმულობით ქალის იმიჯს უნდა შეეხამებოდეს. არც მისთვის იქნება ზედმეტი მდიდრული აქცენტები და დახვეწილობა. ოღონდ მამაკაცი უფრო მეტად თავშეკავებული და მშვიდი უნდა იყოს. უმჯობესია, ზეთისხილისფერი, მიწისფერი, მდოგვისფერი და ყავისფერი ტონები აირჩიოთ. საახალწლო ღამეს დაივიწყეთ საქმიანი კოსტიუმები. იდეალური შეხამება ღია ფერების შარვლისა და პერანგის კომბინაცია იქნება. თუ ფიქრობთ, რომ აქსესუარები თქვენი ქმრისთვის არ არის, დაივიწყეთ - ოღონდ არა 2019 წელს!